الحب بين الحق والباطل

صباح الخيير عليكم يا حلوين
ويارب تكونوا تمام وكويسيين :5ajle (55):
اولا قبل ما ابدا اى كلام عاوزه احييكم ايها الثلاثى الرهيييب
انتو من الناس اللى بحترمهم وبحترم اقلامهم فاسمحولى اكون معاكم
برأى البسيط فى الموضوع ده طبعا مش هيكون زيكم فالنقاش بس اهو ع ادى بقى :5ajle (63):
للاسف الموضوع ده بقى منتشر فعالم الانترنت بطريقه بشعة والطريقه معروفه
عبارات غزل وكلمات معسوله بتكون البداية لوقوع البنت فى شرك واحد محترف كذب وحب مزيف
البنت للاسف بتقع فى حبه وبتفتكر انه بيحبها وطبعا الحقيقه غير كده خالص
وراء الحب المزيف ده اغراض تانيه غير نزيهة وبعيدة كل البعد عن شفافية المشاعر الصادقة
بيستخدم كلماته لاصطياد النساء المتعطشه للحب واللى فعلا بيكون همها ارتباط حقيقى
وتكوين اسرة لكن للاسف متعرفش انها زيها زى غيرها ياما سبقوها خده دورهم واتنسو
بعد ما حقق غرضه منهم وزهق ومل وياما برضه هيجى بعدها بنات كتير اووى بنفس الكلام اللى جابك بيه
حصل موضوع زى ده فمنتدى ما بنت كانت لسه خارجه من خطوبه فاشلة وطبعا
كان كل كلامها حزن ووجع اخينا فضل يراقبها ويجرى وراها فكل قسم فالمنتدى تكتب يكتب وراها
ابتدى يبعت رسايل خاصه وليه الحزن وكلام من اللى انتو عارفينه لحد ما ابتدى يبعتلها قصايد
فالمنتدى ويقولها دى اهداء ليك واحده واحده علقها بيه وربنا يكفيكم شر الواحد لما يكون
صنعته الكلام والشعر بيدمر البنت بالكلام والله .. المهم حبته وقالها بحبك وارتباط وكلام من ده
وقالها هو مين وسنه وسكنه وللاسف اكتشفت انه راجل كبييير فالسن بيتسلى بسس
والا ساكن فالمكان ده والا شغال وظيفته اللى قالها عليها وكان كل همه انتو عارفين
زى اللى بيحصل مع بنات الشوارع بالظبط وبسسس لا ارتباط والا يحزنون
وللاسف لما وجهته بحقيقته ثار وفضل يكتب فكلام وقصايد ويهاجمها اه والله وعمل نفسه الضحية كمان
تخيلو البجاحه لحد ما هرب من المنتدى طبعا لان واحده تانيه عجبته فمعرفش يعيش
حياته قدام الضحية الاولى ولحد الان وهو بيلف فالمنتديات كل يوم باسم غير الاول و
ليه فكل منتدى قصة وبنت وع فكره هو دخل هنا ولما لاقانى عرفته واكتشفت شخصيته
هرب من هنا ومدخلش تانى ههههههههههه ايون طفش بسببى محدش يقول لعيون :5ajle (47):
انا بس عاوزه اسال سؤال واحد فين ضميركم وازاى بتناموا بالليل ومش بتخافو من ربنا
ليه تعلقه قلوب بيكم وانتو الغرض بس مجرد تسليه مفكرتوش ان ممكن ربنا يردهالكم
فاهل بيتكم كما تدين تدان احفظوها كويس ذنب كل بنت من البنات اللى ضحكت عليهم
فرقبتك ويوم القيامة هيقتصه منك يا ترى انت مستعد لسؤال ربنا ليك
كلمة بس للبنات اوعى تصدقى حد بيقولك بحبك من وراء شاشه لان الشاشه
بتخفى حقيقة الناس ومتقدريش تشوفى من خلالها بتتعاملى مع مين اللى شاريكى
هيجيلك لحد البيت اووعى تفرطى فثقة اهلك فيك وتخلى حد يجبرك انك تعملى
حاجه تفضلى مكسوفه من نفسك كل اما تبصى فالمرايا اللى بيحب مش بيشوه اللى بيحبه
اتمنى ليكم حب حقيقى من غير ما يوجع قلبكم خلى حدود بينك وبين اى راجل خلال الانترنت
واتمنى الرجاله والبنات برضه علشان مش نظلم الرجاله بس لان فيه بنات بتعمل كده برضه
اتقوا الله ولو محدش شايفكم من وراء شاشه فربنا شايف وملايكتكم بتكتب كل كلمة وكل حرف
اسفففه للاطاله بس فعلا الموضوع ده بقى بيتكرر كتير وبقت حاجه تحرق الدم
تحياتى ليكم وفى انتظار مواضيع تانيه اقدر اشارك فيها

كيان ,سليدا ,مـــداح القمر ,ابن الجبل معجبون بهذا