| الأدارة ..♥ |
|
|||||||
| عبْق أولُ المَطر ✿ مَا تَسكُبُه أناملُكُمْ المُخمليّة لِـ أوّلْ مرّة حَصْرياً ﹂ ✿ |
 |
|
#1
08-01-2023, 03:35 AM
|
||||||||||||||||||||||||||||||||||||||||||||||||||||||||||||||||||||||||||||||||||||||
دع الخلق للخالق
النهاردة هاحكى لكم حكاية لها العجب ونشوف الناس بتعمل ايه هى حكاية خيالية ساخرة بس احيانا بتحصل نشوف لغاية الأخر ونشوف رأيكم حكايتنا هى الست سعدية ست بيت متهنية واجتماعيــــــــــة عايشة في منطقة بسيطة علي قد الحال .. بتحب تنام بدري عشان تصحي بدري وتصحي ابو العيال ( الحاج اسماعيل ) وتفطر اشرف واحمد عيالها عشان يروحوا المدرسة وبتنتهي هذه اللحظة الاسرية عند غلق الباب وتوديع الحاج والعيال .. وتبدء بشغل البيت .. تنقي الرز وتصفيه وتقطع البطاطس والطماطم بس برضة الست سعدية عمرها ما هتقدر تستغني عن جارتها وصحبتها الست (( بدرية )) فبتاخد الرز بتاعها وتدخل البلكونة وتديها رنة في السريع عشان تطلع هي التانية البلكونة ومن هنا بيبدء الحوار اللي مبيخلصش .. واكيد هيجيبو الثلاثي بتاعهم الست (( شلبية )) ويجيبو الحبشتكنات بئا (( دي الرز ودي الترمس ودي الشيبسي بالخل والملح وبيبدء الحوار بالحديث عن اسرار البيوت .. وتبدء الست سعدية وتقول :: قالي يا وليه اعمليلي كوبايه شاي قولتله لا انا هعمل حمص الشام قايل طب وربنا لو معملتيش هضربك بالشبشب وطبعا اختك مسكتتش انا طيبة اه وبفطره اه وبغديه اه وبعشيه اه بس لحد حمص الشام لا يقطع (( مثقفة )) وعلي هذا النحو تناثرت الكلمات والاحاديث بينهم وتدخل هنا الحاجة بدرية بكلمة : اه ماهي الرجالة دي متجيش غير بالسك ياختي الله ((هي اللي قالت وربنا ههههههه)) سعدية :: ايوه ياختي المهم مشوفتيش البت نوجه عملت ايه ؟؟ بدريةو شلبية في نفس ذات النفس : ايـــــــــــه؟؟ سعدية :: مش جالها عريس صبي قهوجي اد الدنيا ورفضت .. بدرية وشلبية في نفس ذات الوقت برضة : ليـــــــــــه ؟؟ سعدية :: دي عيلة فقرية اصلها بتحب الولا مندوح بتاع اللبن .. بدرية :: يخريبتها ايه البت الي عيونها تندب فيها رصاصة دي ده احنا مكناش بنات بئا وتتعالي اصوات الضحــــــــــك وطبعا هما عمالين يكلوا في لب وترمس ويرموووو علي الناس وتقطع اصوات الضحك جميلة شلبية :: والبت سعاد .. بدرية وسعدية : مالــــــــــــــها ؟؟ شلبية : هتسافر الصعيد .. البت دي لئيمة لئم لئم المعزه (( يخرم جيب التشبيه )) بدرية وسعدية: فعلا دي عيلة واطية .. بدرية : تصدقو طلبت منها مرة بصلة ومردتيش بتقويل عايزاها ايه قولتلها بصلة حمرة قالتلي معنديش غير اصفر هه (( هههههه كبســـــة )) شلبية :جتها نيلة .. وهكذا كان الحوار بيقطعوا في فروة الناااااااااااس اذا بعم سعيد بتاع اللبن قائل : لبـــــــــــن .. يا حليب راحت الست شلبية بتقوله : اديني كيسين لبن من ابو جني (( ا جنية )) عم سعيد: اوكـــــــي (( ههههههه مثقف معلش )) نزلت السبت وادها فاذا بها قائلة : اوعي يكون زي بتاع امبارح قاطـــــــــع عم سعيد:: لا وربنا (( صادق يا حج )) شلبية :: طيب ... واذا بها قائلة بعد ما الحج سعيد مشي :: يالهوووي بوريه من الراجل ده شوفي عجوز بس بيغش في اللبن اه والنعمة (( صادقـــــــــــــــــــــــــــة )) بدرية وسعدية :: اه واللهي الواحد مش عارف يعمل ايه حال الدنيا بيتشقلب .. وبعد مرور ساعااااااااااات كتير وطبعا مازال الحوار مستمر اذا بالعيال ولاد الست سعدية بيدوقو علي الباب .. توووك .. تووووك فبتضطر تغلق الحديث وتقول ليهم خلاص بئا دع الخلق للخالق ..( شوف ازاى بعد كل اللى قالوه ) ستووووب .. لينا اكيد واقفة هنا (( انا هتكلم دلوقتي )) حاجة غريبة جدااااااااا في ناس كده كتير يقعدوا يتكلموو ويقطعو في فروة الناااااااس لغاية ما يبقوو صلع واكيد بتحصل كتيررررررررر وبعدين يقولو (( دع الخلق للخالق )) هههههههه واللهي العظيم حكاية ليها العجب والا انتو ايه رايكووووو ؟؟ وبكده تكون خلصت الخزعبلاية بتاعتي وعايزة رايكم في الحوار ده يارب تكون عجبتكم تحياتي 
الساعة الآن 02:25 AM
| ||||||||||||||||||||||||||||||||||||||||||||||||||||||||||||||||||||||||||||||||||||||
عضويتي 
.gif "100 (105)")
.gif "100 (106)")
العرض العادي
