| الأدارة ..♥ |
|
|||||||
| عبْق أولُ المَطر ✿ مَا تَسكُبُه أناملُكُمْ المُخمليّة لِـ أوّلْ مرّة حَصْرياً ﹂ ✿ |
 |
|
#1
14-01-2023, 06:07 AM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||
خزعبلة حلم الجامعه
حلمت فى يوم بالجامعه وكانها حاجه لامعه من علم وثقافه ومعلومات وتكنولوجيه حديثه وتنمية مهارات دخلت المكان وانا فى ذهول وقفنى حارس عند باب الدخول بصلى من تحت لفوق وقاللى كرنيهك ياقطة ولا ممنوع دخولك الحرم الجامعى صاحب العلم المرفوع قولتله انا سنه اولى والكرنيه غير مطبوع غير بعد شهر من دخولى اللى هو ترم كامل بدون رجوع صاحب الصورة اللى معرفش بتاعت مين زى صورة البطاقه فاكيد انتم فاهمين قاللى عايز منك بطاقتين واحده شخصيه والتانيه ترشيحيه تعدى بيهم كل يوم عليا لحد ماكرنيهك يخرج وتستلميه واياكى فى يوم وان تنسيه سبته ودخلت اتفرج على المكان لقيته يجذب النظر من كتر اللمعان فرحت جدا بالمكان مشيت اتفرج على كل حاجه موجوده لحد مالقيت اقسام للفنون دورت فيها على فن الرسم ماهى دى هوايتى منذ قرون لقيت شباب مسكين طباشير وعمالين تلوين على الارض رسومات فيها من كل حد وصوب كاركاتير بدجات كله بنكهات عنب موز كله حركات اخدت طباشير وبدأت فى الرسم والتلوين مشيت شويه قالولى تعالى شوفى قسمك ياعسليه مجموعك هيرميكى لفين من بين كل الاقسام ديه دخلت على موظفة الشئون الوديعه اللطيفه المعروفه بالابتسامه الدايمه عمرها ماتفارق وشها سبحان الله عمرها ماقفلت شباك فى وش اى حد فى معاد الفطار او الصلاه ربنا يخليها ليا دخلت عليها بكل حنيه قولتلها ممكن تجبيلى نتيجة التنسيق من على جهازك الحلو الانيق قالتلى حاضر من عنيا اول ما سمعتها كان هيغمى عليا من كتر الرقه والحنيه قالتلى انتى جاتلك لغات شرقيه قولتلها ها يعنى ايه اصلى انا جديده على الدنيا ديه قالتلى يعنى هتدرسى تركى على فارسى على عبرى واهى كلها لغات هامشيه قولتلها نعم قالتلى بلاش صداع وسبينى فى حالى فى الزحمه ديه روحى غيرى القسم لو عايزة وانا لسه مفطرتش فمتصعبهاش عليا سبتها ومشيت وبقسمى رضيت فى الاول دراستى كانت باللغه العربيه خمس مواد كلها حضارات ومعالم ومعلومات عن البلاد اللى هدرس لغاتها حبيت المواد وذاكرت بكل جهد واجتهاد لقيت تعبى بيضيع على ايد دكاتره مش فاضين يصححوا من الورق ملايين طلعوا اذكيه فوزعوه على المعيدين اللى لساهم متخرجين ومش فاهمين اتصلت بيا واحده صحبتى من سنين انا دخلت الجامعه وهى فى الثانوى جاية تحسدنى على الحال اللى انا فيه بتقولى يابختك باللى وصلتى ليه بيقولوا الجامعه عالم تانى انا نفسى اكون فيه قولتلها مين قالك دا اكيد خمسه ريفوا سافين قالتلى ليه كدا طيب قوليلى انتى عن الجامعه اللى عرفتيه قولتلها بسيطه الجامعه تلات اقسام فيها اللى عايش وفيها اللى بيعيش وفيها اللى بيطير اللى عايش دا مطنش للتعليم جاى يتفسح ويصاحب ويمشى مع بنات كتير كذلك فى بنات عايشه اسبوع مع هيثم وشهر مع عادل وسنه مع كريم اصله كان حنين كتير واللى بيعيش تلاقيه مرة بيعاكس ومرة تانيه فى محاضرة بيناقش ومرة تالته فى مكتبه بيجازف علشان يلاقى معلومه يبان بيها انه فاهم خطير اما اللى بيطير فدا لكل البنات والاولاد مطنشين فى دماغهم هدف فاكرين ليه ممكن يكونوا واصلين نفسهم يكونوا عايشين او بيعيشوا لكنهم مش قادرين وكأنهم جهاز تسجيل هنجح يعنى هنجح وبدون تفكير قالتلى طيب دا كويس جدا انتى ليه مش زى الاخير قولتلها حاولت أكون زيه وهو اكتر نوع عجبنى بالفعل لكنى وقف قصادى دكتور دمه تقيل أكتب مهما أكتب فى امتحانه هو هو نفس التقدير قولتله ياعم كفاياك ظلم هتروح من ربنا فين قاللى بس يابت انا دكتور امال الشهاده دى واخدها من فين قولتله غبى اللى ادهالك من غير ما يعلمك الضمير متعرفش انى المعلم ضمير واحنا فى رقابته امانه ليوم الدين قاللى بطلوا فلسفه هبله بتتكلموا بيها وانتم مش فاهمين قولتله فعلا انت واللى ادالك الشهاده اغبياء قاللى نعم قولتله معلش انا بكوح اصلى الهوى هنا كتير واسفه جدا على التعطيل اخدت من وقتك كتير يظهر انكم عن الضمير مغيبين وواخدين اتنين فلوريست وتلاته فجيسكين ايام ما كان النوع دا فيه المخدر كتير تسلم ايديكم على التصحيح ربنا مايحرمنى منكم وحسبى الله ونعم الوكيل زعلت جدا على حلمى اللى راح كنت فاكره بالجامعه هعوض كل اللى راح لقيت الجامعه محتاجه الف دمعه على حالها اللى بيلعبوا فيه اغبياء بيدعوا انهم فاهمين ومقدرين وللضمير ممثلين اسفه على انى بسميكم اغبياء صححوا ورقتى بضمير وساعتها هشيل من دماغى فكرة الغباء لانى بكتب فى ورقكم كل اللى بتقولوا عليه بدون مناقشه لرغيكم الكتير واما انى كلامك غلط بتقولوه ليه من الاول وتتعبوا بيه عقلى من كتر التفكير ياشوية اغبياء ضميركم اولا بعدين احسبكم عندى بنى ادمين معلش اصلى بحسبها 1+1=2يعنى انسان من غير ضمير بيساوى عندى حمار بقرنين اسفه على الاطاله وادى اخرت اللى يدخل خزعبله ليا وسورى على الالفاظ الكتير . 
الساعة الآن 08:17 PM
| |||||||||||||||||||||||||||||||||||||||||||||||||||||||||||||||||||||||||||||||||||||||||||
عضويتي 
.gif "100 (106)")
.gif "100 (105)")
العرض العادي
