ياذوق مترف وصدق احساس ياسلسبيل

ابيات تعبر عن نفسها










يابنت ماعاد باقي للمدايح كلام
ياشمعة احساس جيل ونجمة احساس جيل




انتي حمامة سلام وتنشرين السلام
فحضورك الجدي والسبع تنادي سهيل




بينك وبين القصيد العذب شبه انسجام
يميل لك مثل ماذوقك لحرفه يميل





لو الغزل في بنات الناس ماهو حرام
سويت لك منه مايطغى على المستحيل




خليت من يسمعونه يكرهون المنام
واللي يعيشه يحط امن الغرام ويشيل




لاكن ابمدح وبثني لك بكل احترام
ياشامخه في مواقيفك شموخ النخيل




شعلة نشاطك تعم الكون شرقن وشام
واللي تسويه معنا صاير اكبر دليل




لو امدحك بالقصايد ماعليه ملام
ياذوق مترف وصدق احساس ياسلسبيل




يوم اختفيتي قبل فتره غشانا عسام
بس انتحرى حضورك مانبي لك بديل



لانك هنا نور يجلى بالحضور الظلام
والناس يابنت تعشق كل شين جميل

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور