صبآح السعادة والخير ، :261:
أهلين أعضاء عبق الغاليين ..
كيف حالكم ؟..
اليوم طبقي ستيك اللحم بتمنى يعجبكم ../
نبلش المكونات والطريقة../
نحتاج لحم ستيك .. فطر طازج .. كريمة .. بصل جوانح .. خضار ( استخدمت كوسا، جزر
ذرة، فليفلة ملونة ) وانتم على ذوقكم اختياري النوع اللي بتحبوه .
توست أو خبز الفينو ..
الطريقة ..
أول شيء نسخن القلاية نضع القليل من الزيت يسخن جيدًا
نضع قطع الستيك بعد غسله بالماء جيدًا ( كيف وانا احكي بالفصحى ) ههههه
ونصدم اللحمة ضروري هالخطوة على درجة حرارة عالية
بتعرفوا ايش يعني الصدمة "عشان تحتفظ بالسوائل
وتضل طرية .. و ملح فلفل أسود ..
بعدين نتركة يستوي على نار هادئة ..
في هذا الوقت نسوي كريمة المشروم
نذبل البصل بشوية من الزيت وبعدها نحط الفطر وما نطول عليه
عشان لا يستوي كتير مو طيب يستوي ع الآخر ..
بعدين بنحط الكريمة وشوية حليب ملح فلفل أسود ..
بنسوي الخضار سوتيه بقلاية نذوب الزبدة بنحط الخضرا وشي بسيط ع النار
حتى تبقى فيها قرمشة ..
نقلبها مع الزبدة وملح فلفل أسود فقط ..
هلء بنحمص الخبز ندهنه زبدة وتوم بودرة ورشة أوريجانو ..
آخر شيء لما تستوي اللحمة بنحط عليها صوص الكريمة والفطر
بس خمس دقائق تآخذ النكهاب مع بعضها ونطفي النار ..
وهيك خلص طبقنهآ
أتمنى انه عجبكم لا تحرموني دعواتكن الحلوة
بحبكن
طبعا كالعادة حصري لـ
عبق الياسمين :261:
عذوووبة