إحنا مين و هما مين

#1 24-11-2020, 09:56 PM

هما مين و إ حنا مين ؟
هما الأمرا و السلاطين
هما المال و الحكم معاهم
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟
*****
إحنا مين و هما مين
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض
و عرقنا يخضر بساتين
حزر فزر شغل مخك
شوف مين فينا بيخدم مين ؟
*****
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك
شوف مين فينا بياكل مين ؟
******
إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ؟
*****
هما مين و إحنا مين
هما الامرا و السلاطين
هما مناظر بالمزيكا
و الزفة و شغل البوليتيكا
و دماغهم طبعاً استيكا
بس البركة بالميازين
حزر .. فزر شغل مخك
شوف مين فينا بيخدع مين ؟
******
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت بالاوتوبيسات
هما حياتهم بامب جميلة
هما فصيلة و إحنا فصيلة
حادي يا بادي يا عبد الهادي
يا اللي عليك قصد الغنوادي
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين

أحمد فؤاد نجم

المصدر : منتديات عبق الياسمين

حلقات الاسبوع
من 7 إلى 13 يونيو 2024 م

• أخطاء المصلين - إعداد reda laby
• افضل موقع تحميل القرآن باعلى جودة وانقى صوت
• كتاب الرحيق المختوم ( السيرة الذاتية لحياة الرسول الكريم )

المواضيع المتشابهه
الموضوع	كاتب الموضوع	¬ آلمنتدى ✿	مشاركات	¬ آخر مشآرگة ✿
فادية بدايتها ونهايتها لينا	ضَـيء	عَبَقْ آلَقَصصُ وَ آلرَوَايآتّ وَ آلحَكآياَ ✿	21	13-05-2024 10:09 PM
أيها البحر .. تمهل \ بقلمي	سما الموج	عبْق أولُ المَطر ✿	49	10-06-2022 05:26 AM
أيها الحاسد لإخوانه	فريال سليمي	اسلَامِي هُو سِرُّ حَيَّاتِي✿	26	09-05-2022 04:04 AM
أيها البحر .. تمهل \ بقلمي	سما الموج	ولادة نور وودق تميز واول هطول حصري ✿	1	05-07-2019 05:16 AM

الذين يشاهدون محتوى الموضوع الآن : 1 ( الأعضاء 0 والزوار 1)