الأدارة ..♥ |
عبق أقصوصة من زبرجد حكاياتكم ✿ خاص بفيض إبداعاتكم الحصرية والغير حصرية بأقلامكم فقط ﹂ ✿ |
#1
|
|||||||||||||||||||||||||||||||||||||||||||||||||||||||||
الولاد تعبوا يلا يا ورد( قصة في خاطرة)
علي غفلة مني ... روحي خدتني ... من إيدي ... وقالتلي بينا ... وحشتنا أيامنا الحلوة ... وحشتنا قعدة الجنينة ... وسندة ضهرنا ع الشجرة ... فاكرها ... اللي كتبنا عليها آسامينا ... من كام سنة ... عشرة ولا أكتر ... ياه ... من دي حياه ... بتحرمنا من أغلي آمانينا ... وبتدينا الآه ... ومشينا ... ذكري تجر ذكرى ... وشريط بيقلب فينا ... كانت الجنينة وقتها ... متغيره علينا ... زحمة ودوشة ... بس ريحها ضل فيها ... وحوالين الشجرة كام عيلة ... وناس كتيرة ... وواحدة واقفة قصادها وابنها في إيديها ... والنظرة رايحة جاية ... علي آسامينا ... بتلمسها ... وبترجع بيها ... لا قادرة تمنعها ... ولا قادرة تخليها ... شفتها بعنييه كلها ... وروحي هتفت بيها ... ووحشتي بتصرخ فيا ... مستني إيه ... روحلها ... ضمها ... أسكنها إحييها ... وقفت لحظاتي مطرحها ... وأتسمرت معانيها ... وأعصابي هربت من روحها ... والفرحة هبت تناديها ... إلا وصوت ... شق سكوني شق ... الولاد تعبوا ... يلا ورد ... جريت من مكاني ... لتلمحني عينيها ... خفت عليها ... أخطف منها حياتها ... وأعذب تاني لياليها ... يكفيها وفا ... يكفيها ... ربي يحميها ... فتحي عيسي شكرا للقديرة عذبة المعاني على هذة الهدية الغالية سلمت يمينك وريشتك الذهبية
الساعة الآن 09:27 PM
|