دفتر الاحزان بقلمي محمد البهلوان

مكتوب علينا نعيش جناحين ومن غير ريش

وازاي نطير للسما معقولة لا ما تجيش

ما اللي جناحه مكسور لازم يعيش مكسور

وانا وانت يا قلبي سوا علي الفرح نلف ندور

وما نلقيش



الجرح ليه مالينا يا زمان ما تهون علينا

مش كل يوم جراح احزان واهي عايشه فينا

فرحنا مرة في يوم تعبنا شكوى ولوم

ريحني بقى وارتاح لو حتى هموت اليوم

ما يهمنيش

الدمعة في نن عيني مجروحة يا نن عيني

صعبان عليها قلبي من الحزن اللي ماليني


بتقوللي حرام عليك ارمي اللي راح بإيدك

طب اعمل ايه في حزني في كل مكان يجيني

ما بينسنيش


بقلمي الحر

اليوم بيعدي زي اليوم اللي فات

نفس الدموع نفس الجراح نفس الأهات

لا دمعة نقصت من على الخد ولاأهاتي سمعها حد

الحزن ياما كسرني وهد والفرح امتي اشوفه في يوم

بقلمي الحر

لو مت مين هيبكي عليا

لو عشت مين هيسأل فيا

أنا في الحياة تايه وضايع

وكأني لا جيتها ولا شوفت دنيا

بقلمي الحر

لو مرة قولنا يا دنيا هو إنتي ايه

مكتوب علينا في ثانية نبكيها لية

تزيد جراحها وفي دموعها اللي في عينينا

وأهو كله فينا وليه مالينا أحنا ليه

جيناكِ يا دنيا بالدموع في الليل والنهار

لا عرفنا يوم غير النواح وأحنا صغار

وكبرنا والجرح اتولد جراح كتار

والعمر عشناه بالألم ولا شوفنا فيه

فرحة قلوبنا وعيونا امتي نقابلها

ولا نستنا احنا اللي عشنا عمرنا نبكية

بقلمي الحر

.... ... .. امتى النهار يشقشق تحضن عنيه النور والعندليب يزقزق قلبي يطير عصفور وألف كل الكون بألف شكل ولون عمر الظلام ما يكون ولا في العيون يتحقق أنا عشت طول حياتي في الأهه وفي الجراح نفسي أرمي بعيد أهاتي وأنسى كل اللي راح وألف كل الكون بألف شكل ولون عمر الظلام ما يكون ولا في العيون يتحقق امتي النهار يشقشق يا دنيا حرام سبيني وكفاية كده يا زمان شوفت الكتير في سنيني وتعبت من الحرمان هلف كل الكون بألف شكل ولون عمر الظلام ما يكون ولا في العيون يتحقق امتي النهار يشقشق بقلمي الحر

[/]

بقلمي الحر

نور القمر معجب بهذا

يا سلام علي الطرح الجميل و الابداع الراقي و الذوق الرفيع يا فارس الكمه و يا شامخ الابداع و الحرف الجميل شكراا جزيلا لك

اقتباس:

المشاركة الأصلية كتبت بواسطة نور القمر

يا سلام علي الطرح الجميل و الابداع الراقي و الذوق الرفيع يا فارس الكمه و يا شامخ الابداع و الحرف الجميل شكراا جزيلا لك

تسلمي يا اخت نور القمر
علي الرد الراقي الرائع في امان الله

العمر بيجري مني وأنا واقف كأني بدور علي الحياة

أبدا منين طريقي أعيش ازاي حياتي وفين بر النجاة

العمر أيام تعدي وأنا حلمي اعيش لوحدي ملقتش يا دنيا صاحب

أعيش معاه في سنيني في احزاني يواسيني وفي فرحي يكون مصاحب





العمر زي بعضه بيشبه كله بعضه بنفس الألم والأه

وأعيش ازاي بجرحي دي راحت من ملامحي اي ملامح حياة

انا ميت رغم اني عايش يا ناس كأني مجرح شبح انسان

ميت في قلبي نبضه واحساسه ومشاعره غرقان في بحر احزان



انا ماشي ومش بيدي رايح على النار اعدي ارمي نفسي وانهار

تموت فيها همومي واغسلي من ذوبي يمكن اشوفلي نهار

بحلم ونفسي بكره اشوف الفرح مرة انسى كل اللي فات

وأعيش حياة سعيدة وابني في امال جديدة وكفايةسنين سكات



العمر بيجري مني لكن مهربش مني هفضل يا دنيا وراه

اكيد في يوم هوصله ولايوم في يوم هقول له كفاية يا عمر أه

كفاية يا عمر أه

بقلمي الحر

معالي المستشار@ معجب بهذا

مكتوب علينا يا قلبي

نعيش طول الايام


دموع في عيون حزينة

ليالي جرح والام

مفيش قلب حن عليا

في الدنيا ياما قسينا

تموت كل امانينا

في الحب والاحلام

كل العذاب يا قلبي

طعم المر والاه

دوقنا كتير يا قلبي

وشربنا من الحياه

تعبناكتير واللي تعبنا

مرقش يوم ع حالنا

شفنا بنغرق في همومنا

مرماش طوق النجاة




بقلمي الحر

اخدت ابحث عن صورتك

فوجدتها مبلله بالدموع

تحدثني كيف افترقنا

كيف كان اللقاء ممنوع

كيف افترق بنا الطريق

كيف انطفت كل الشموع

الا الان والصورة حزينة

وتسائلني متي الرجوع؟


بقلمي الحر