دعوة على السحور مع ابن الجبل !!

ودلوقتى اكييد جه ميعادنا مع اول ضيوفنا فى دعوة على السحور اولا عرفنا على نفسك ومن اى بلد والاقامة الحالية فاى بلد ؟؟ شعورك ببداية رمضان .. اوصفه لينا ؟ شهر رمضان شهر مختلف عن باقي الشهور فماذا يعني لك رمضان ؟ شهر استثنائى ينتظره أفراد العائلة كل عام له سحر خاص تفوح منه رائحة الذكريات والحنين لتلك اللمة على طاولة واحدة تسع الجد والجدة والأبناء والأحفاد والأعمام والخالات يجلسون جنباً إلى جنب لتناول إفطار أول يوم رمضان معاً يتشاركون تفاصيله من روحانيات لأكلات مفضلة لحديث يطول وضحكات تتعالى أصواتها وأطفال صغار يفرحون بتلك اللمة التى تحيط بها المحبة. وزى ما بيقولو لمة العيلة حب وبط ولعب ومحشششى فاضل اد اايه ع المدفع الاسئلة بقى:- بتحب الاجتماعات العائليه و تبادل العزائم بشهر رمضان ؟ لو اتعزمت عند حد ايه الهدية اللى بتفضل تشريها وانت رايح ؟ هلى ممكن تساعدك والدتك او زوجتك فالمطبخ ؟ هل هناك أكلات خاصه برمضان في بلدك ؟ وما هي أكلتك المفضله في رمضان ؟ ايه أجمل رساله وصلتك للتهنئه برمضان ؟ ايه طقوسك أو استعداداتك خاصه للأيام العشره الأخيره من رمضان ؟ بتحب تتسحر والا بتنام خفيف ؟ وايه الوجبات المفضله عندك لو بتتسحر ؟ امتى أخر مرة ملكت فانوس رمضان ومين اللى جابهولك ؟ دعوه على الفطور توجهها لعضوين من الأعضاء ‏..‏ مين هماا ؟ دعوتان صادقتان عند ساعة الإفطار هيكونو لمييين ؟ ذكريات الطفولة في رمضان .. ذكريات فيها العذوبة تنساب إلى القلوب روعة .. وطاعة وعبادة.. وأجواء جميلة مليئة بالحيوية والنشاط والعفوية .. عندما كنا و كانوا صغاراً فلكل منا ذكرياته المميزة لشهر رمضان أثناء مرحلة الطفولة كان لرمضان طعم أخر مختلف عما نشعر به اليوم.. كنا نري الزينة في معظم شوارع مصر والفانوس الكبير يزين منتصف الشارع، وأطفال الشارع يجتمعون بعد المغرب للمنافسة من صاحب أحلي وأكبر فانوس! الاسئلة :- فاى سن بدات تصوم ؟ وياا ترى كان ليك ذكرى مميزة للوقت ده؟ يا ترى فيه فرق بين رمضان الطفوله و رمضان اليوم ؟ مين كان بيجيبلك فانوس رمضان ؟ بصراحة كده اول ما ابتديت تصوم لو عطشت كنت بتشرب من وراء مامتك والا كنت شطور وبتستحمل؟ ايه الحاجات اللى كنت متعود تعملها فرمضان وانت صغير؟ ايه الاكله اللى كنت دايما تطلبها من مامتك ع الفطار او السحور وانت صغير ؟ ايه البرامج اللى كنت بتفضلها برمضان وانت صغير؟ ايه كان شعورك قبل المغرب بخمس دقايق اوصفه لينا ؟ كنت بتهتم بتزين الحى بتاعكم مع اصحابك ؟ ايه هو المسلسل أو البرنامج اللى بيفكرك دائما برمضان قديمًا ؟ العيد، فرصةٌ للفرح والسرور ومنحةٌ ربانيةٌ كي يشعر فيه المؤمنون بأنهم أدوا العبادات وفازوا برضى الله تعالى، ففيه يرتدي الناس أجمل الثياب ويجتهدون في إظهار طريقةٍ للتعبير عن فرحهم سواء كانوا كباراً أم صغاراً الاسئلة :- اوصف لينا شعورك في الأيام الأخيره قبل العيد و الاستعدادات الخاصه به ؟ بتشتري ملابس للعيد لحد دلووقتى ؟ بتاخد عيدية والا بتدى ؟ الكحك و البسكويت واخواتهم من مظاهر العيد عند الجميع بتعملوه في البيت والا بتشتروه وبتفضل ايه فيهم ؟ موقف حصلك في العيد ومش ممكن ابدااا تنساه ؟ فى النهاايه كلمه تحب تقولها لاعضاء منتدى عبق الياسمين بمناسبة شهر رمضان المبارك ؟ وكماان هدية لياا والا مش استاهل :( وبسس خلاص

شجون الأمل ,نسمـة معجبون بهذا

المصدر : منتديات عبق الياسمين

 

---

آخر تعديل أنثى متمرده يوم 08-05-2019 في 02:28 PM.