حكاية الكوسة االمنحوسة

السلام عليكم ورحمة الله وبركاته


تعالوا بقى احكى لكم على حكاية الكوسة المنحوسة ونشوف عملت ايه
فى البت لولا اللى مدلعة قوى وابوها صاحب مركز كبير له نفوذه والناس بتعملوا الف حساب
ومامتها بقى سيدة أعمال كبيرة بتستورد الحنة من موزمبيق أزاى معرفش

المهم البت لولا كانت كل طلبتها مجابة طبعا بنت وحيدة ومدلعة وطلبتها مجابة من غير تفكير
دخلت لولا الحضانة وخصص والدها أحدث موديل نزل من التكاتك,يوصلها كل يوم
للحضانة ,وعين ليها سواق بمرتب مئة دولار فى الشهر لأنة ما بيتعامل بالجنية المصرى
بيقول بركتة قلت وغير الأول,
المهم
سنة فى سنة راحت لولا المدرسة الفرنكوية للغات وجاب لها بابا أحدث دراجة
نارية تروح وترجع بيها من المدرسة مهو لكل مرحلة مستلزماتها
وهى دلوقتى كبرت وتقدر تعتمد على نفسها وسنة ورا سنة كبرت لولا
ودخلت الثانوى الانجلمانى على شان تتعلم اللغات وتقدر تعتمد على نفسها
فى عيد ميلادها بابا جاب ليها طيارة خصوصى راحت قضت عيد ميلادها
فى جزر القمر صد رد فى حوالى ساعتين وهى راجعة جابت معاها قرن خرتيت
أفريقى عجبها وودن قرد صغير كتذكار عيد الميلاد .

ولما لولا دخلت الجامعة الفلبينية جاب ليها باباها سيارة نفاثة على شان أختناقات
المرور ومفيش حاجة تعطلها.وكل ما بابا وماما يشوفوها يقولو يلا يا لولا؟
الوظيفة منتظراكى طبعا بابا مركز مرموق وماما سيدة اعمال مشهورة .

وبعد ما لولا خلصت دراستها بتقدير مقبول مع الشكر
وخلاص ضمنه الوظيفة وإذ فجأة
صدر قرار بمنع المجاملات فى العمل ومنع الكوسة من المحلات والمصالح
الحكومية ومحلات الخضار ياحوستك يالولا.

طبعا انتم عارفين الكوسة
بتعمل ايه يووووووه بتعمل بلاوى سودة ..


المهم البت لولا
الدلوعة واللى محدش يقدر يرفض لها طلب حصل لها
هذيان ياعينى وتصحى مفزوعة من النوم وهى عمالة تصرخ
أل ايه وهى نايمة بتحلم وتفتكر الكوسة وده السبب فى
الفزع اللى هى فيه تصحى وهى بتصرخ ابعدوها عنى ابعدوها عنى
الكوسة بقت منحوسة ...


ياااااه بعد دة كلة يا لولا
أقتنعتى أن الكوسة بقت منحوسة ؟

عرفتم بقى حكاية الكوسة المنحوسة بتعمل ايه

نصيحة فى خزعبلاية ههههههه

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور