| الأدارة ..♥ |
| ❆ فعاليات عَبق الياسمين ❆ | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| شخصيات في الذاكرة ✿ شخصيِّات لها تاريخ وَانجاز وتستَحق ان نتذكرَها ونفتَخِر فيهَا ﹂ ✿ |
 |
|
#1
06-10-2020, 06:45 PM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||
شهاب الدين أحمد المقريزى
قبل السلطنه
شهاب الدين أحمد كان ابن السلطان الناصر محمد وحفيد السلطان قلاوون الالفى. أمه كات مغنية ومحظية عند الناصر محمد اسمها بياض شهاب الدين أحمد إتولد في القاهره و بعته أبوه على الكرك عشان يتعلم الفروسيه، فقعد هناك لغاية ماإتوفى الملك الناصر فسمح لأخوه سيف الدين أبو بكر اللى كان أصغر منه بالسلطنه بداله. فى سنة 1341 خلع الأمير قوصون السلطان أبو بكر ونصب أخوه كجك سلطان على مصر بداله، وإكمن كجك كان لسه صغير وعنده حوالى سبع سنين بقى قوصون هو الحاكم الحقيقى، وقعد على الحال ده لغاية ما الأمرا الكبار بزعامة الأمير أيدغمش ماقبضوا عليه سنة 1342 وحطوه فى السجن وخلعوا كجك و بقت مصر من غير سلطان وابتدت الناس تقلق، وخرجوا فى الشوارع يحرقوا وينهبوا أملاك قوصون و مماليكه والأمرا بتوعه. الأمرا أتفقوا على إنهم يسلطنوا شهاب الدين احمد اللى موجود فى الكرك ويدوله أملاك وفلوس قوصون ولقبوه بلقب أبوه الملك الناصر، وبعتوا على الكرك كام أمير من ضمنهم بيبرس الأحمدى و جنكلى ابن البابا عشان يجيبوه. وطلع ورا الأمرا شوية ناس شايلين رايات صفرا بعد ما طلبوا من الامير أيغمش إنهم يروحوا لأستاذهم الملك الناصر ويرجعوا بيه لكن بعد ما الأمرا وصلوا الكرك الناصر أحمد بدل مايقابلهم بعت لهم واحد يقولهم يروحوا يستنوا فى غزه، فأستغرب الأمرا من التصرف ده. لما سمع الأمير أيدغمش فى مصر باللى حصل جاله قلق لإنه كان مستنى رجوع الملك الناصر على أحر من الجمر إكمنه كان خايف الأمور تكبر والناس فى الشوارع تهيج أكتر، فخبى اللى عمله الملك الناصر ومقالش لحد وروج إشاعه إنه جى فى السكه وشويه ووصل من شهاب الدين جواب للأمير أيدغمش بيشكره فيه و بيطلب منه يمسك البلد بداله لغاية ما يوصل. الأمير أيدغمش أفرج عن ولاد السلطان الناصر محمد السته اللى كان الأمير قوصون قبض عليهم وحبسهم فى قوص فى الصعيد مع أخوهم السلطان سبف الدين أبو بكر اللى كان قوصون خلعه . فلما عرفت الناس فرحوا وخرجوا يستقبلوهم. فى نفس الوقت كان كام أمير من الأمرا المستنيين فى غزه رجعوا الكرك تانى عشان يقابلوا شهاب الدين، لكن شهاب الدين للمره التانيه رفض يقابلهم ورجعهم على غزه شايلين منه جواب لباقى الأمرا هناك، فلما فتحوه فى غزه لقوه بيمدح فيهم وبيطلب منهم يرجعوا مصر فاستغربوا وزعلوا وبعتوا للأمير إيدغمش فى القاهره يقولوا له. بس فى الأثناء دى كان فيه رسل من شهاب الدين وصلوا القاهره وقابلوا أيدغمش وقالوله إن السلطان شهاب الدين خلاص ركب الجمال وجى فى السكه. وإنتشر الخبر فى القاهره وفرحت الناس فجروا على الشوارع عشان يستقبلوه، لكن قبل الفرحه ماتكمل رسول تانى وصل القاهره وقابل ايدغمش وقاله إن السلطان شهاب الدين ناوى يوصل فى الضلمه بالليل، وإنه حايدخل القاهره من باب القرافه، وحايطلع قلعة الجبل من باب السر، فأستعجب طبعاً الأمير أيدغمش وضرب كف على كف وصول شهاب الدين القاهره وصل شهاب الدين أحمد القاهره بالليل في أواخر شهر رمضان و دخل القلعة زى ماقال من باب السر، و كان مبرقع وشه ولابس هدوم عربان، و كان معاه عشر عربان من الكرك ، فلما أيدغمش وبقية الأمرا شافوا المنظر ده بقوا مستغربين ومش مصدقين عينيهم. الصبح دقت بشاير وصول السلطان فى القلعه واتزينت القاهره. ولما قام شهاب الدين من النوم نادى على الأمير أيدغمش وقاله إنه ماكانش عايز يبقى سلطان، وإنه كان مبسوط فى الكرك، بس لما طلبوا منه إنه يجى ماكانش قدامه غير إنه يجى . وكتب الأمير أيدغمش للأمرا فى الشام يقولهم إن السلطان وصل مصر، ومضى الجواب بالعلامه السلطانيه بتاعة شهاب الدين واللى كات " المملوك احمد بن محمد " الأمرا فى الشام بقوا هما كمان متعجبين من أفاعيل السلطان شهاب الدين وتصرفاته الغريبه، فراحوا كاتبين جواب للأمير أيدغمش طلبوا فيه منه إنه يجى مع الأمرا يقابلهم فى سرياقوس عشان يناقشوا الموضوع سوا. لما خلص رمضان وجه العيد الصغير السلطان شهاب الدين ما عملش العاده اللى كان بيعملها السلاطين قبله، فلا نزل يصلى العيد ولا عمل سماط العيد، وأمر الأمرا إنهم يعملوا السماط فى بيوتهم، وقعد هو لوحده فى القلعه مع صحابه العربان اللى جم معاه من الكرك أمرا الشام وقضاتها ونواب قلاعها وصلوا القاهره وإستقبلهم الأمير أيدغمش تحت القلعه. واتكلم الأمير قطلوبغا الفخرى عن غرابة سلوك السلطان و هدوم العربان اللى لابسها وقعدته طول الوقت مع العربان اللى جابهم معاه من الكرك. فقال أيدغمش إن أحسن حاجه إنهم يخلعوه ويرجعوه بالعربان بتوعه على الكرك ويخلصوا منه و يسلطنوا حد تانى بداله. لكن الأمير طشتمر حمص أخضر و كام أمير معاه ماوافقوش على الإقتراح ده. السلطان شهاب الدين عين الأمير طشتمر حمص أخضر نايب للسلطنه والأمير قطلوبغا الفخرى نايب على الشام، وعين صحابه العربان يوسف و أبو بكر البزدار وزرا، فزاد نفوذهم وطاحوا فى البلد وبقوا يسرقوا وينهبوا عينى عينك لدرجة إن الناس سمتهم " أرباب الأموال ". وقعد بقى السلطان شهاب الدين يدى صحابه العربان فلوس وهدايا ويسيبهم يفسدوا براحتهم. وشويه وراح قابض على نايبه طشتمر حمص أخضر بحجة إنه بيعارضه عمال على بطال وإنه بيتقالط على بقية الأمرا. وبعت للأمرا فى الشام يقولهم يقبضوا على الأمير قطلوبغا الفخرى اللى كان نايبه هناك. رجوع شهاب الدين الكرك بعد شويه السلطان شهاب الدين لم الأمرا وقالهم إنه ناوى يروح يقعدله شهر فى الكرك، وطلب من الخليفه العباسى الحاكم بأمر الله إنه يروح معاه. و بعد ما ودع الأمرا جنب قبة النصر بره القاهره راح مبدل هدومه ولابس هدوم العربان و مبرقع وشه وطلع بالجمال على الكرك. و بعد ما وصل الكرك منع الامرا اللى سافروا معاه من دخول الكرك ماعدا كاتب سره و ناظر الجيش، وأمر الخليفه العباسى إنه يروح على القدس. إتقبض على طشتمر حمص أخضر و قطلوبغا وإتسجنوا فى قلعة الكرك، وإتهان قطلوغبا وإتسب وإتنكل بيه، وبعدين أمر شهاب الدين بإنهم يبعتوا حريمه على الكرك فلما وصلوا هجم عليهم العربان وإتبهدلوا بهدله كبيره واتسرقوا من كل حاجه وحتى هدومهم. وإتنهبت أملاك طشتمر حمص أخضر و قطلوبغا فى مصر ونقلوها على الكرك. وقعد شهاب الدين يحصن الكرك ويعبى فيها حبوب وأكل تمرد الأمرا على السلطان شهاب الدين قعد فى الكرك ومارجعش مصر بعد شهر زى ماكان قال، وابتدت الناس تقلق وتسأل هو فين السلطان. والامرا اتنكدوا واتغموا من اللى حصل للأمير قطلوبغا فى الكرك وبقوا خايفين تحصل قلاقل فى البلد بعد ما سمعوا إن مماليك الأمرا اللى إتقبض عليهم إتفقوا مع كام أمير وإنهم حايتمردوا. فبعت الأمرا جواب لشهاب الدين يقولوله إن الاحوال فى البلد عماله تتدهور وإنه لازم يرجع بسرعه. لكن السلطان شهاب الدين رد عليهم وقالهم إنه دلوقتى قاعد فى المكان اللى بيحبه وإنه لو عاز يرجع حايبقى يرجع. وفى الأثناء دى وصل الأمرا فى القاهره خبر بإن شهاب الدين قتل الأمرا قطلوبغا و طشتمر حمص أخضر، فزعلوا جداً وقرروا خلعه وتنصيب أخوه عماد الدين إسماعيل بداله. الأمرا خلعوا السلطان شهاب الدين بعد سلطنته اللى تعبتهم واللى دامت حوالى تلات تشهر قضى منها بتاع خمسين يوم فى الكرك فى فتره سلطنته خلى صحابه العربان يتعالوا على الأمرا بتوع مصر وإداهم مناصب عاليه وسابهم ينهبوا مصر. وقتل وسجن أمرا كبار، ونقل مواشى أبوه ودهبه وجواهره وأحسن حصنة مصر على الكرك. وسرق مجوهرات الجوارى والدهب اللى كان بيزين قلعة القاهره وقبابها وبيقول المقريزي عنه : " ما ترك بالقلعة مالا حتى أخذه " بعد ما اتخلع شهاب الدين وإتحصن فى الكرك بالنهيبه اللى نهبها هو والعربان من مصر بعت الأمرا والسلطان الجديد عماد الدين إسماعيل يطلبوا منه ترجيع كل المنهوبات وإلا حا يهدوا الكرك على دماغه، وبعتوا تجريدات على الكرك وحاصروها بالمنجنيق فى سنة 1344 وقعت الكرك فى إيد الأمرا وإتقبض على شهاب الدين وإتقتل واتبعتت راسه لمصر وصف ابن تغري السلطان شهاب الدين بأنه كان أحسن إخواته من ناحية الشكل، ولكن كان اسوأهم من ناحية السيره فلوس شهاب الدين أحمد اسمه وألقابه إتنقشت على فلوسه بالشكل ده: " السلطان الملك الناصر شهاب الدنيا و الدين ". وكمان أتنقش عليها لقب أبوه " الملك الناصر 
  🍓  .gif "100 (11)")  💕   💕 
الساعة الآن 05:09 PM
| |||||||||||||||||||||||||||||||||||||||||||||||||||||||||||||||||||||||||||||||||||||||||||||
عضويتي 
مواضيعيٌّ
.gif "100 (109)")
العرض العادي
