الأدارة ..♥ |
عبق منقول الخواطر و القصيد من غياب الخاطر✿ «• َواحة الخواطر والنثر المنقولة وكل ما سطر من ابداع الحروف لنبحر بها ﹂ ✿ |
#1
|
|||||||||||||||||||||||||||||||||||||||||||||||||||||||||||||||
رسم الكون الجديد ..
رسم الكون الجديد .. الجو جميل.. اليوم.. يستاهل احساسك ، غيم ورذاذ ناعم.. صبّي الندى بكاسك ! إمتدي طول الكون.. إمتدّي عرض الكون ، توزّعي..صيري.. في كل شي حولك.. نبض .. وصفا.. وعيون .. خلّي قُزح.. ريشه.. والدنيا كراسك! اليوم بامكانك.. تعيدين بعيوني رسم الكون.. على هوى جنونك.. وفوضاك.. وهوجاسك! خلّي خيوط الشمس.. واللي انفذت غفله من بين هذا الغيم خلّيها لون أزرق.. وخلّي السحاب أخضر.. ولون المطر "أورانج" وثوب الشجر وردي.. وبنفسجي فاتح لون الغصون، والناس.. ممكن تكون حمراء.. ممكن تكون صفراء.. ممكن تكون أي لون ، أختاري لون ناسك! اليوم إنتي الكلّ.. والكل فيك إنتي.. اليوم كنّه جاي.. قدّك.. على قياسك.. خلّي الجنون اللي* في داخلك ينطق ! صبي البحر فـ البر وسمّي المواني .. شيح خلّي نجوم الليل.. على الدروب اتطيح.. وتنبت على الأسفلت! وفوق فـ السما رشي.. ياقوتك وماسك ! ولمّي اللي مِتْبعثر.. أو بعثريه اللي.. تْشوفينه متماسك ! عيدي للحياة بسمه واغريها بانفاسك.. ولاّ أقول لك شي؟! تعالي ، نحضن سوى غيمه.. نبلّل عواطفنا.. وننثر ورود حمراء .. تعالي نعتّق... جمال هذا الصبح في كاسي وبكاسك.. ونشرب طوال اليوم ، من هالمطر .. ..والغيم.. ...واحســاسي.. ....واحســـاسك !!! .....
الساعة الآن 08:28 PM
|