دفتر الاحزان بقلمي محمد البهلوان

مش هقول
مش هقول عمر وراح مش هقول ماتت الجراح
والحزن اللي في يوم ناداني في سنين زماني مات وراح
مش هقول دمعتي فارقت عينيا
مش هقول جروحي دبلت قسوتها فيا
لكن هقول من الليلة ديا هيا اول لياليا
وبكره احلي بكره احلي مع اول نور للصباح

بقلمي الحر

انسان جديد

انسان جديد يومه الحزين هيبقي عيد
انسان جديد كل ملامحه جديد في جديد
انسان جديد من غير رتوش من غير اهات ولا تعقيد

القلب صافي زي الحليب القلب وافي الكل قريب
العقل هيرسم في حلمه يبنى من الهوى عشه
والدنيا تصبح شيء جديد

انسان جديد

بقلمي الحر

مش مستحيل

مش مستحيل نتولد من جديد نتخلق من جديد نبدأ بداية من جديد
مش مستحيل
بنموت ساعات وساعات بنحيا تاني من جديد ونعيشها تاني من جديد
مش مستحيل
ماتيأسي عافر واقف خليك حديد
ولا تندم وعايش حياتك ليلة عيد
ابعد حزنك عن عينيك خليك سعيد
متشلش ابدا هم ارمي الجراح بعيد

ما توقعشي لو يوم فشلت في الحياة
اقف تاني متستسلمشي لجرحك اه
ابدا حياتك وانسي كلمة مقدرشي ولا
ومتفكرشي في جرحك ليرجعلك من جديد
اكيد

بقلمي الحر

راجعين

تاني راجعين من تاني يا دنيا
نحلم بكل امانينا
تاني راجعين من تاني يا دنيا
ما خلاص علي الحزن عدينا
وهنبتدي مشوارنا حب الحياة منورنا
وهنرجع من تاني نعيش الثواني في ايامنا
هشنوف الدنيا بعين كلها ورد كلها فل من البساتين
ولا هنفكر في حاجة غير في الحب والسعادة والحنين
وهنبتدي مشوارنا حب الحياة منورنا
وهنرجع من تاني نعيش الثواني في ايامنا
وايه يعني لو قسيت علينا الدنيا حبة لا حبيتين
دي مسيرها تحلو وتروق وتبقي احلي غنوة وغنوتين
وهنبتدي مشوارنا حب الحياة منورنا
وهنرجع من تاني نعيش الثواني في ايامنا

بقلمي الحر

هحلم

لو مستحيل الحلم يتحقق هحلم برضه
الحلم ده دنيتي لو حتى مش قده
لازم احلم لازم يا دنيا اعيش
عشان اطير في السما لازم يكونلي ريش
لو حتى وقعت وقولت اه
لو حتى ضعت في الحيا
هحلم برضه هحلم برضة

بقلمي الحر

الطريق

هو ده الطريق ومفيش طريق غيره
انا لازم امشية وعمري ما هسيبه
هبدأ تاني بقوة مش هندم ابدا ايوه
هعيش حياتي من تاني وكأني طفل وليد

بقلمي الحر

لازم
انا لازم اكسر خوفي انا لازم اهزم ضعفي
مش هستسلم لظروفي مش هستلم لمخاوفي
انا هبدأ هبدأ تاني هعيش واعيد حساباتي
مفتش لسه الوقت ولسه الأمل قريب لسه الأمل قريب
هنسى زمان وحزن زمان ومن انهرضة مش هلاقاه
ومهما يعدي اليوم في احزان هعيشه وارمي ورايا الأه
هبدأ تاني تاني بقوة مش هضعف ابدا ايوه
مفتش لسه الوقت ولسه الأمل قريب

بقلمي الحر

مش هتألم

مش هتألم ولا هستسلم ولا هتندم علي شيء راح
ولا هتأسف عمري ما ههرب لا من دمع ولا من جراح
هقدر عليهم
وانا مني ليهم
كل شكر وامتنان
وكفاية لكده يا زمان
كفاية كفاية كفاية لحد كده عليهم

مدقشي قلبي في يوم فرح ماعرفشي غير بس الهموم
وازاي يدوق قبي الفرح والجرح ساجني وفي كل يوم
هبد أ حياتي
بامنياتي
ولا فيه حاحة
تستاهل اهاتي
مفيش حزن بيدوم
وكفاية كفاية كفاية لحد كده عليهم

بقلمي الحر

أصبر

اصبر واتحمل يا قلبي اصبر اتحمل اي شيء
كمل مشوارك بالمك واصبر هتفرح في الطريق

اصبر علي الجرح علي الدمع علي الويل في الليل
اصبر واتحمل يا قلبي اصبر اتحمل اي شيء
عشت حياتك دي كلها ما شوفت فيها غير مرها
صبرت سنين علي جرحها فاضلك ايه وبعدها
دي مسيرها الدنيا تحلو لك وبكره تدوق فرحها
اصبر واتحمل يا قلبي اصبر اتحمل اي شيء
ايام قليلة يدوب تنتهي ونعيش حكاية من البداية
حكاية تانية واحلي من اللي انت يوم يوم عشتها
اصبر واتحمل يا قلبي اصبر واتحمل اي شيء
بقلمي الحر

هبدأ تاني

انا هبدأ تاني حياتي وهبدأ انسي كل الماضي
هبعد عن جرحي وويلي وهبعد عن قسوة ليلي
ما الحزن مبيعشي الا في قلب ضعيف
هبدأ اعيش عمري مش اعيشه كده تخاطيف
جربت زمان الحزن وجرح القلب والدموع
عشت سنين في ظلام وياما انطفلي شموع
لكن خلاص يا زمان معدتش زي زمان
لو حتى عملت ايه مبقتش اخاف يا مخيف
عمري وراح وخلاص مش هندم ولا هسأل ليل
عشت ازاي في هم وجرح وكان قلبي تملي عليل
لكن خلاص يا زمان مبقتش زي زمان
لو حتى عملت ايه مبقتش اخاف يا مخيف

بقلمي الحر