لكل قلب مفتوح

اكتب وكل ابيات شعري وليده
........... في حزه فيها القلم يعشق البوح

شاعر ولا لي غير سكه وحيده
............. الصدق طبعي والوفاء باب مفتوح

ياللي تعلل في ظروف عديده
................. العمر لحظه لا تضيعها بالنوح

جرب تعيش الحب.. وتمسَّك بايده
................ اسهر وغن الليل من كثره جروح

جدد شبابك كل ليله سعيده
................. وارو الكبود اللي من البعد بتروح

اصفح وسامح من نوى يستعيده
................... فؤادك اللي كم شكي كثره النوح

عيش الحياه.. وخل روحك زهيده
.................. يفوح منها الطيب يازينه من فوح

ورد وريحان وريحه حميده
................ تنعش احاسيسك وتنعش لك الروح

ويهيم سمعك في الاغاني الفريده
................... اللي تشيل الهم من قلب مجروح

اسمع عبادي باغنياته الخليده
.................... اللي بها قد صار له صوت مبحوح

غيره فلا تفكر تسج بنشيده
....................... ولا بتطرب اذنك بعزف مطروح

واتركني اتأمل.. وارتب قصيده
...................... اترك معانيها لكل قلب مفتوح




فيصل المالكي
وليده اللحظه
حصري

المصدر : منتديات عبق الياسمين

 

كبرت وصارت الدنيا مجرد نزوه لا أكثر
اخذت اللي ابي منها ولابي فيها اتعثر

• مدونتي

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور