صعبة أنساك

صعبة انساك
وانه منين ما التاف
الكه وياك شخصيتي
اعوفك
واختنك
والكاك
نسمة تغازل بريتي
اظيعك
وارتبك
واحتار
شنهي وياك تاليتي
ارسمك بالحلم كابوس
خاطر ما تمر وردي
واتعوذ
وافز الكاك
وردة ونايمة بسدي
واكتبك ع الشمس
واقراك
والكة شفايف تندي
وامسح دربك من البال
واشطب كل اثر عندي
واتعثر
وارد وياك
خطوة منين ما ابدي
واحطك ع الجرح سجين
خاطر تذبح جروحي
واتشاهد
واحسن بيك
ريشة تدغدغ بروحي

إحساس إنسان ,خالد العصواني معجبون بهذا

المصدر : منتديات عبق الياسمين

 

• ﮼روح لا يمسها عابر🕊🎼﮼ !