كيفكم يا حلوين
طبعا لسة بعرف اعمل حاجات كده صغيرة
المهم انه النهارده جيبالكم طريقة عمل
بورجر بطاطس من مطبخي
المكونات
1/2 كيلو بطاطس
كوب جزر مبشور
1/2 كوب جين شيدر مبشور
لانشون مقطع مكعبات
فيجتار او بقسماط للتحمير
بيضتين
ملح
فلفل اسود
بهارات
اول حاجة بنقطع البطاطس و نسلقها
وبعدين نقشرها
(لحد النهارده مش عارفة ليه مش ينفع نقشرها وبعدين نسلقها)
وبعدين نهرسها بالشوكة
وبعدين نحط الجزر و نقلبها
بعد كده نحط الجبن الشيدر و البقدونس و اللانشون و البيض
و بعد كده نحط الملح و الفلفل و البهارات
ونقلبها كويس جدا
بعد كده نخليها دوائر
و نغطيها بالبقسماط او الفيجتار
نحطها في الثلاجة نص ساعة
و نخرجها نقليها في الزيت
والف هنا
انا طلعت مالحة معايا شوية
مش عارفة عشان انا استخدمت فيجتار و بيكون فيه ملح و لا زودت الملح مع اني غالبا بعمل الاكل الملح قليل
المهم انها لذيذة