| الأدارة ..♥ |
| ❆ فعاليات عَبق الياسمين ❆ | |||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||
 |
|
#1
26-07-2019, 08:05 PM
|
||||||||||||||||||||||||||||||||||||||||||||||||||||||||||||||||||||||||||||||
لأول مرة محمد الشرنوبي يعلن انفصاله عن سارة الطباخ ويكشف الأسباب
 بعد أقل من 12 ساعة على إصدار الفنان محمد الشرنوبي بيانه الصادم حول طبيعة علاقته بالمنتجة وخطيبته السابقة سارة الطباخ، ستحدث مواجهة مباشرة بينهما اليوم الإثنين، بعدما تم اختيارهما للتكريم في حفل جوائز الميما بالقاهرة، حيث يتم تكريم الشرنوبي بجائزة أفضل مطرب شاب، بينما تمنح جائزة أفضل مديرة اعمال للطباخ عن جهودها في تطوير أداء الشرنوبي، ويشهد الحفل نفسه تكريم أنغام وتامر وحسني . جوائز الميما تم توزيعها مساء يوم الاحد فنادق القاهرة، ووفقا لتصويت الجمهور ذهبت جائزة أفضل مطرب تامر حسنى و أفضل مطربة انغام وأفضل مطرب شاب محمد الشرنوبى وأفضل مطربة شابة كارمن سليمان وأفضل كليب عيش بشوقك لتامر حسنى وأفضل مخرج كليب هادى الباجورى وأفضل اغنية نفسى اقوله لاليسا وأفضل مطرب لتتر مسلسلات احمد شيبة وأفضل مطرب شعبى محمود الليثى وأفضل مطربة شعبية بوسى وأفضل أغنية سنجل وبحبك انا لعمرو دياب وأفضل منظم حفلات وليد منصور وأفضل مديرة اعمال سارة الطباخ وأفضل دى جى وليد الحريرى وأفضل قناة غنائية فرى ميوزيك وأفضل راديو 9090. وحسب تأكيدات من الجهة المنظمة للحفل ستتسلم سارة الطباخ بنفسها الجائزة، وحتى الآن لم يعتذر محمد الشرنوبي عن عدم الحضور، ومن المؤكد ان بيان محمد الشرنوبي الصادر عن حسابه الرسمي بموقع الفيس بوك سيلقى بظلاله على وقائع الاحتفال، خاصة الجانب المتعلق بوجود شرط جزائي يمنع الشرنوبي من الغناء والتمثيل لمدة 10 سنوات كاملة. ذكر ان محمد الشرنوبي كشف للمرة الأولى عن طبيعة علاقته بالمنتجة سارة الطباخ وسر مقطع الفيديو المنتشر لخطوبتهما مؤكدا وجود علاقة صداقة تطورت إلي قصة حب وخطوبة ولكن حدث بعدها الانفصال، ولفت الأنظار لتوقيعه على عقد احتكار يمنعه من مزاولة مهنة الغناء أو التمثيل إلا بعد موافقتها ويستمر 10 سنوات كاملة. الشرنوبي نشر رده المطول عبر حسابه الشخصي بموقع الفيس بوك وقال: عايز ارد على شوية حاجات وعلى اسئلة كتير بتتسإل بقالها فترة مكنتش حابب اتكلم فيها انا طول عمري بحب شغلي جداً ومبحبش اتكلم في اي حاجه تانية غيره، بس بقالي فترة عليا هجوم شخصي غير مبرر وكلام كتير له علاقة بحياتي الشخصية ما حبتش اتكلم فيها غير لما اكون جربت كل الطرق في اني احاول احلها الاول. وعلى طريقة سيناريوهات السينما وضع الشرنوبي تاريخ "سبتمبر 2017 " لبداية القصة وقال: بعد مسلسل لا تطفئ الشمس وحلقات صاحبة السعاده وحفلة الموسيقار الكبير عمر خيرت واغنية "مين فينا" مع النجمة الكبيرة اصالة وبعد ما كنت لسة ماضي مسلسل كأنه امبارح وفيلم الممر، جالي شغل مع شركة كبيرة عشان انزلّهم بوست على انستجرام عندي، اللي كانت ماسكة الحملة دي واحدة اسمها سارة الطباخ .. نشأت علاقة صداقه لطيفة وكانت بتقنعني اني احترف الغناء .. في فترة كنت عاوز اركز في التمثيل اكتر. تابع قائلا: سارة كانت انسانة جميلة وجدعة جداً .. الموضوع بعد كدة اتطور من صداقة لعلاقة حب وبقى فيه ما بينا ثقة و احترام بس دي كانت بداية مشاكل قوية جداً حصلتلي في حياتي اهمها عدم رضا ابويا عن العلاقة دي بسبب ان فرق السن بيني وبينها 15 سنة وده كان السبب الرئيسي ان ابويا مكانش موجود في فيديو قراية الفاتحة اللي معظم الناس شافته. وبالمناسبة الفيديو ده اتصور يوم "5 ابريل 2018 " يعني من سنة و3 شهور تقريباً وفضل ابويا زعلان مني فترة و ماتصالحناش غير لما حضرلي اول حفلة اعملها في حياتي وده كان السبب في ان لما قدمته عيطت ونزلت من عالمسرح. وأضاف: المهم، نرجع للي كنت بقوله .. قبل مايبقى فيه خطوبة او حتى اي شغل ما بينا كان عندي اكتر من عرض من شركات انتاج اغاني كبيرة اني اعمل البوم بس كنت حابب اعمل كل فترة اغنية جنب التمثيل .. فضلت سارة تقنعني كتير اننا نشتغل مع بعض ونعمل البوم انا وهي والقرار ده كان مخيف جداً بالنسبة لي لأنه كان معناه اني مش هبقى عارف اتفرغ تماماً للتمثيل، وده اللي حصل فعلاً بعد كأنه امبارح. وتابع سرده للقصة بقوله: اقتنعت و ابتدينا نشتغل بعدها فوجئت بيها بتقدملي عقد احتكار مدته 10 سنين والشرط الجزائي اللي في العقد 600000 دولار وماليش حق امضاء اي عمل سواء تمثيل او غناء .. و للأسف دي غلطتي .. انا كنت متخيل ان شروط العقد ده؛ الشروط المتعارف عليها، و لما خفت و قلقت من الشروط دي شوية كانت سارة بتقنعني ان دي مجرد شكليات وان كل حاجه هاتتم بالتراضي وقالتلي بالحرف "اي وقت هاتيجي تقولي فيه ان العقد ده مش مريحك هديلك العقد .. عمري ما هغصبك على حاجه" و بسبب ثقتي فيها وحبي ليها وافقت على كل ده ووافقت كمان اني امضي العقد ده رغم انه كان معمول بتاريخ قبله بحوالي 10 شهور (بتاريخ اليوم اللي قابلتها فيه تقريباً) .. ومن بعد ما مضيت العقد و بعد ما قريت الفاتحة اللي وقفت قدام كل الناس فيها .. لقيت طريقة تعامل مختلفة تماماً وتوتر بدون أسباب بيحصل بيني وبينها. وأضاف: فسخت الخطوبة شهر يوليو 2018 يعني بعد 3 شهور بالظبط من قراية الفاتحة وماكناش لسة ساعتها اشتغلنا على الالبوم .. وقلتلها اني مش حابب اكمل شغل خلينا اصحاب احسن .. وكان فيه محاولات معايا من ناس كتير مشتركة ما بيننا عشان يصلحوا الموضوع لاكتر من شهر .. ووافقت اننا ندي نفسنا فرصه تانية كتجربة عشان كان عندي مشاكل كتير في طريقة التعامل .. ورجعنا وكانت الحياه كويسة في الاول ورجعنا نشتغل تاني وبعد فتره بدأت المشاكل ترجع تاني وبشكل اسخف . واتسببت في مشاكل كبيرة بيني وبين اهلي واصحابي القريبين وحتى اي حد في الوسط بقى بيتجنبني او بيتجنب التعامل معايا لمجرد ان هي اللي ماسكه شغلي عشان طريقتها مكانتش الذ حاجه خالص .. و بدأت تحاول تتحكم في كل حياتي وعلاقتي بكل اللي حواليا .. ولما حاولت امشي تاني .. ابتدا يبقى فيه استخدام لفكرة العقد بشكل واضح والمشاكل بقت شخصية ومهنية. وواصل قائلا: ولما مارضتش اكمل في علاقة انا حاسس انها مابقتش مناسبة ليا ولا انا ولا الطرف التاني، ابتدا يبقى اساليب تانية للضغط .. اخرها كان فيديو الخطوبة اللي نزل واحنا اصلاً مش مع بعض .. ولاني عمري ماكنت حابب ان حياتي الشخصية تبقى مجال للكلام و لان فعلاً الخطوبة دي حصلت في يوم من الايام ولإني عمري ماهجرحها او احرجها، ماعلقتش خالص على وعد منها اننا ننزل بعد فترة ان الخطوبة اتفسخت لان احنا فعلاً دلوقتي مش مخطوبين .. وتابع مؤكدا أن عدم رده على الفيديو في هذه الفترة كشف له عن العديد من الأزمات بين سارة الطباخ وبين عدد كبير من الناس وأضاف: بقى عندي معلومات وحاجات ماكنتش حابب اني اعرفها عنها .. مع ذلك برضه كنت دايماً بسعى اننا نخرج بالمعروف ومن ساعتها بقى فيه شكل أشرس في التعامل .. ولإن هي بس اللي ليها الحق في الامضاء على العقود .. وهي مابتردش على اي حد بيطلبني في شغل .. فا بقى شغلي واقف و حتى فلوسي القديمة مش عارف اخدها منها وفيه حملات غير مبررة وغير منطقية معمولة عليا و فيها تجريح شخصي ليا ولعيلتي .. ومحاولات لعمل مشاكل بيني وبين الصحفيين اللي عمري ما كان بيني وبينهم مشاكل وبكنلهم كل احترام .. مع العلم ان من اقوى نقاط القوة عندها الميديا والصحافة والعلاقات العامة بحكم شغلها ومع العلم برضه ان شركتها لسه المفروض بتمثلني وبتدير اعمالي. اختتم حديث قائلا: انا كنت ملتزم الصمت ومش بتكلم في التفاصيل دي كلها عشان كان بيني وبينها عشره وعيش وملح .. بس واضح إني كنت غلطان عشان نيتي كانت سليمه شوية زيادة والطرف التاني ماحطش اي اعتبار لكل الحاجات دي. وأضاف: دي المرة الوحيدة اللي هاتكلم فيها عن الموضوع ده ومش ناوي اتكلم فيه تاني ولا على مستوى الصحافة ولا على مستوى السوشيال ميديا. والمرة الاولى وبإذن الله الاخيرة اللي اضطر اتكلم فيها عن حاجة ليها علاقة بحياتي الشخصية، بس كان لازم اشرحلكوا ايه اللي بيحصل عشان كل التساؤلات اللي بتحصل بقالها فتره. 
الساعة الآن 10:20 AM
| ||||||||||||||||||||||||||||||||||||||||||||||||||||||||||||||||||||||||||||||
عضويتي 
مواضيعيٌّ
العرض العادي
