الأدارة ..♥ |
عبق منقول الخواطر و القصيد من غياب الخاطر✿ «• َواحة الخواطر والنثر المنقولة وكل ما سطر من ابداع الحروف لنبحر بها ﹂ ✿ |
|
#1
|
|||||||||||||||||||||||||||||||||||||||||||||||||||||||||||||||
نبع الغلا عندك وعندي مصبه
. ليه المســاا عــووق الشقاوي وطبه وليه الهبوب تصحي القلب لا بات وليه القمر يدعي جريح المحبه ويقول له ياهيه ..ما فات.. ما مات جرحك ظهر لو قلت للوجه خبه وللحزن في ضحكك رسوم وعلامات وليه المطر بالذات ريحه وصبه كنه رسول بين الأحباب بالذات اشتــااق فيه لشوفــتك.. واتنبه للي نسيته من مواقف ونظرات لا استانس الخافق ذكر من يحبه ورجع يراجع في الوناسات ما فات يا مرتع القلب الحزين ومربه يزيين بك مثل الذهب صدر الأبيات هيهات ينسى القلب شخص لعبه وهيهات يدله خاطري منك هيهات سبك مديح.. ومدح غيرك مسبه تقول واذني صوتها تقول لك هات ونبع الغلا عندك .. وعندي مصبه ومن الولا.. في خافقي لك ولايات وطيفك حطب عيني وعيني مشبه والشــووق برد ما انقطع لو للحظات ومكانك الصــدر ولك القلب شبه بين الضلــووع اللي فردها التنهات ولك بيــرق فالقلب حبك يهـبه شامخ ولا هزه من العذل غارات محبـــتك فالوقت ذا ماتشـبه إلا بخيمة بــــدو بين العمارات أن شفتني ضايق .. و أهوجس .. وأسبه أخاف غدر الوقت .. والوقت دورات لا تحسبن دمعي نزل دون سبه..؟؟ أبكي من الفرقاا.. وهي مابعد جات..! اليوم كل أمــورنا مستتــبه وبكره ماندري وش معه من مسرات أرب قلــبك مثل قلــبي أربه ما يخلفه كثر العــذل.. والمسافات..؟؟ ~ ~ ~ ~ ~ ~ ~ ~ ~ ~ ~ ~ ~ ~ ~ ~ محمد بن فطيس
الساعة الآن 04:25 AM
|