أتصدق إني عارفك

إتصدق إني عارفك قبل لا ألقاك .. يعني لو أشوفك بشارع عرفتك
وإتصدق إن كني معك واتحلاك .. وان كان منت بمقتنع بي وصفتك
أراهن إن من ناظرك ما تعداك .. و أراهن إنه صعب جذبك ولفتك
وأراهن إن كنك مخدّر بممشاك .. و أراهن إن لك عين حورى وتفتك
وأراهنك ..وأراهنك ..واتحّداك .. إني من كفوف الوساده خطفتك
الله عطاني منك يازين وأعطاك .. من دون لاأشوفك بعيني ولفتك
في ذا.أو.هنيا.أوإهنا.أو.. هناك .. ماهو مهم ...بس المهم اكتشفتك
ولا عاد منهم خوف ذولا وذولاك .. أنـآمن العالــــــم كأنـــــي صرفتـــــك
أدري بعقلك وين جابك وودّاك .. مالك عليه دين والله ماشفتك
ولاني بساحر يوم اعدد مزاياك .. لكن نهر الشوق فاض وجرفتك
باحساس اضنّه قاصرٍ من حلاياك .. شفتك بقلبي وبقصيدي حذفتك
لكن تعال وكل ماراح يفداك .. وحقك علي ان كاني ما عرفتك
..
محمد بن فطيس المري

المصدر : منتديات عبق الياسمين