رسمتك حلم مترف ( مشاركتي بمسابقة قيد القمر )

هلابك من قدمك لغرتك لا شعرك المنثور هلا في كل شين فيك وانت اغلا مساييري ترى صدق الغلا يجبر حطام الخاطر المكسور وانا مهما منحتك من غلاي اشعر بتقصيري ولو طالت مشاوير الطريق المظلم المهجور انا لامن ذكرتك قلت طولي يامشاويري تجور بغيبتك وانا اتحمل من غلاك الجور لزوم اقبل معاذيرك ولو ترفض معاذيري عليك الله عطني من غلاك ولا تغط النور وانا شاعر ليا غردت لك ماني مثل غيري رسمتك حلم مترف من حروفي والقصيد اشعور وصورتك ملاك ولانفع رسمي وتصويري دخيل الشفتين وشهدها واللولو المسطور دخيل البسمه اللي بالغرام اتشل تفكيري دخيل الغره اللي تفهقيها والعيون الحور دخيل الخطوه اللي عبرت بالغنج تعبيري خذيني من تناهيد الغرام لقلبك المعمور ابا اعيشك وودع لا خذيتيني مخاسيري انا قبل اعرفك عاشق قصيد وشاعرن مغمور وبعدك عشت حلم وصغت لك حبي وتقديري

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور