::
صباح يكتظ من حكايات النور . .
مساء من كيانات الياسمين , و يقتبس من ذواتنا الفرح . .
اليوم جبت لكم وصفتين من مطبخي المتواضع مشاركتي بالمجله
+
نبدا بـ التشيز كيك اللوتس ..
المقاديـر :-
* بسكويت اللوتس
* بسكويت دايجستف
* 100 غرام زبدة " نص كوب "
* علبة زبادي " 170 غرام "
* علبة قشطة " 170 غرام "
* ظرف دريم ويب
* نص كوب سكر
* كوب حليب بودره
* 4 حبات جبن كيري
طريقة التحضير :-
* نطحن البسكويت "وتقدروا تستخدمو اي نوع بسكويت عندكم سواء دايجستف او شاي "
نذوب الزبده ونخلطها مع البسكويت اللي طحناه ونضعهم بالصينيه ونضغط عليه بشكل متساوي
* بالخلاط .. نضع علبة الزبادي و القشطة و ظرف دريم ويب والسكر والحليب والكيري ونخلطها تمام
ونضعها على البسكويت بالصينيه وندخلها الفريزر عشان تتماسك الطبقه تمام بالكثير ساعه او تدخلوها
الفرن بالرف الوسط درجة الحراره 170 لمدة 15 دقيقه او لحد ماتشوفو الطبقه تماسكت تمام تخرجوها
* بعد ماتطلع من الفريزر او الفرن وطبعا تتركوها شوي 10 دقايق كدا وتحطو الطبقه الاخيره واللي هي
اللوتس تكون مذوبه بالمايكرويف وترجعوها بالثلاجه 4 ساعات وتقدموه ..
وجعله بالعافيه علينا وعليكم ياارب ..
وصفتنا الثانيه " المعمـــــــــــــــــول "
المقادير :-
* كوب ونص دقيق
* كوب حليب بودره
* اصباع ونص زبدة " 150 غرام "
* 5 حبات جبن كيري
* 3 ملاعق كبيره سكر
* فانيلا او بهارات المعمول
*
ملاحظه كل المكونات تطلعوها من الثلاجه قبل
تحضير الوصفه بـ ساعه تقريبا ..
طريقة التحضير :-
* نضع الزبدة والجبن والسكر والفانيلا سائله او بودره او بهارات المعمول
ونعجنها مرررررره كوووويس
* نضيف الدقيق والحليب البودره ونقلبهم مع بعض مرره كويس
وبس كدا نبدا نحشيها باللي تبغوو طبعا تمر او فستق او جوز ولوز براحتكم
انا حشيتها بالتمر وهوو الافضل بالنسبه لي ولعائلتي ..
* وندخله الفرن حرارة متوسطة " 180 " فوق وتحت لمدة من 8 دقايق الى 10 دقائق
* وبس يطلع من الفرن نخليه يبرد تماماً وبعد مايبرد نرش عليه السكر البودر ويقدم ..
وبالعافيه علينا وعليكم يارب ..
+
* اشكر @
عذبة المعاني .. على التصميم الحلو
الله يعطيك الف عافيه ياروحي وتسلم لي اناملك ..
07-12-2021, 09:49 AM
التشيز كيك بـاللوتس + المعمـــــــــــول .. من مطبخي .."مشاركتي بالمجله "
عضويتي 
مواضيعيٌّ
.gif "100 (106)")
العرض العادي
