| الأدارة ..♥ |
|
|||||||
| عبق أقصوصة من زبرجد حكاياتكم ✿ خاص بفيض إبداعاتكم الحصرية والغير حصرية بأقلامكم فقط ﹂ ✿ |
 |
|
#1
04-01-2018, 01:13 PM
|
|||||||||||||||||||||||||||||||||||||||||||||||||||||||||||||||||||||||||||||||||||||
بيت الطين ( الجزء السادس )
تذكير بالجزء الخامس فقال جاسم : وطلعت تنهيده من صميم صدره ااااااه متى يجي ذالك اليوم ضحكت نووره من اخوها وقالت نوره : سق بنا بس ياحظ هذي البنيه اللي بتزوج اخوي قال جاسم : الا ياحظ اخوك بها في هذي الاثناء جاء اتصال وقال ابوسالم ويش فيه الجزء السادس بعد الاتصال سكر الجوال وقال لاحول ولا قوة الا بالله قال جاسم : لازم ارجع للمكتب اليوم قالت نوره :شنهو صار قال جاسم : ابو سالم صار عليه حادث وفي المستشفى قالت نوره : كيف حالته طيب هو بخير قال جاسم : مادري وانا اخوك وصل جاسم المستشفى اللي فيها ابوسالم وسأل الاستقبال عن غرفته وهو رايح لغرفته الا حصه وامها طالعين من عنده سألهم جاسم وكان جاسم من الصدمه متغير وجهه : هذي غرفة ابوسالم فردت عليه ام سالم : نعم سرك حاله طيب وبخير ولله الحمد استاذن منهم علشان يدخل دخل جاسم على ابو سالم وقال سلامات سلامات ماتشوف شر فقال ابو سالم : المدير بكبره عندي وكان صوته عالي شوي هنا التفتت حصه وشافت جاسم اللي شاغل قلبها فقال جاسم : يابوسالم انت حسبت ابوي وعلمني كيف صار الحادث قال ابو سالم : هذا امر الله والحمدلله على كل حال وحصه من الزجاج تشوف وتسمع النقاش اللي بين جاسم وابوها وقال جاسم بكره انقلك لمستشفى خاص على حساب الشركه قال ابوسالم : وكان الجيبص ( الجبيره ) على طول رجله ياولدي ماحس برجلي قال جاسم : انت من هذي الساعه في اجازه مدفوعه الراتب من المستشفى اتصل جاسم على مدير الشركه وقاله ابوسالم من اليوم في اجازه مدفوعه الراتب فقال ابوسالم : لجاسم بطلب منك طلب يا جاسم بس والله اني مستحي فقال جاسم : افا تستحي من ولدك انا ولدك يابو سالم فقال ابغي احد سواقين الشركه يوصلون عيالي لبيتهم فقال جاسم : انا بوديهم واهلك اهلي مر جاسم على الدكتور المختص بحالة ابو سالم فقاله الدكتور في رجله عدة كسور ولابد ان يجلس في المستشفى فطلب جاسم نقل ابوسالم تحت رعاية طبيه الى مستشفى آخر حتى وان طلب الامر الى علاجه في الخارج فقال له الدكتور افضل انه يعالج بالخارج حيث تطور الطب فيها فقال جاسم اعمل اجراءاته للخارج وارسل تقاريره الى المستشفى الذي تراه مناسب لحالته رجع جاسم لبوسالم وقال له ان علاجه سوف يكون خارج البلاد وانه بيكون على حساب الشركة سمعت حصه من جاسم بعض الكلام اللي دار بينه وبين ابوها فصاحت وقالت يمه لا لا ابوي لهذي الدرجه حالته صعبه سمع جاسم وابوها صحيت حصه فتوجه لام سالم وقال لها يمه قولي لحصه هذا امر الله وان الشركه ماراح تقصر مع ابوسالم ولا معاكم ومن اليوم بيكون تحت امركم سايق وهذا اقل ما نسوي مع ابوسالم وقال لهم انا اعتبر نفسي اكبر عيال ابوسالم واتشرف انك تكونين ام لي فقالت ام سالم هذا الظن فيك ياولدي فقال جاسم : ابد هذولا حسبة اهلي وانا بوديهم نادى ابوسالم ام سالم وقال ترى جاسم بوديكم لبيتكم قالت ام سالم اللي تامر فيه يابو سالم قالت حصه :لامها استحي اركب معه يمه قولي لبوي يرفض والله استحي قالت ام سالم : حصووه عن الدلع قال ابوك كلمه خلاص ركبت ام سالم وحصه وريم وسالم مع جاسم في سيارته وكانت حصه تسترق النظر الى جاسم ولكن جاسم كان منتبه للسواقه وخايف من امها انها تشوفه انه يسترق النظر لحصه اوصلهم الى البيت وقال لام سالم انا بحسبت ولدك أي شئ تبغونه انا حاضر ومن بكره بكلم اختي نوره تكون همزه وصل بيني وبينكم مابغي احد يتكلم عليكم بكلمه قالت ام سالم : جعلك سالم ياولدي اتصل جاسم باخته نوره وقالها اللي صار وقالت طيب وزوجي قال جاسم انا بكلم زوجك وباقنعه قالت نوره :بشوف حصه قال جاسم باذن الله تم نقل ابوسالم الى العلاج خارج البلاد وكان في وداعه زوجته ام سالم وحصه وريم وسالم وجاسم واخته نوره ومدير المصنع وفي المطار عرّف جاسم باخته نوره على ام سالم وحصه وقال لهم أي شئ تبغونه اختي نوره بتكون اغلب الوقت معاكم فقالت ام سالم :ليه تتعب نفسك وتتعب اختك معنا كفايه انت ياولدي فقال جاسم :كلام الناس ما يرحم والناس ان شافوني رايح جاي عليكم بيقولون سفّر ابوهم علشان يكون مع اهله فنسكر الباب افضل ونوره والسايق بكونون تحت امركم فقال لاخته روحي مع ام سالم لبيتهم فقالت ام سالم اذا ماشالتها القاع تشيلها عيونا وكانت نوره حريصه انها تشوف حصه اللي اخوها ماله الا سوالف عنها شافتها نوره وشافت بنت غايه في الجمال ومع الجمال ادب وحشمه وعلى قلة امكانياتهم الا انها لابسه لبس حلوو تعرفت نوره على ام سالم وعلى حصه وركبت معهم السياره وحست من اول وهله بدفئ المشاعر بين العايله وكانها واحده منهم لم يشعروها بانها غريبه وكان تعاملهم بعفويه فيه احترام وكان سن نوره قريب من سن حصه فقالت لام سالم اسمحي لي اقولك ياعمه فقالت انتي بحسبة بنتي حصه وتكونت علاقه وطيده بين نوره وحصه وكانت حصه ترخي اذنها عندما تتكلم عن جاسم وكانت نوره تلاحظ هذا الامر فقالت نوره لحصه ترى جاسم هيمان فيك ويبغي يخطبك من ابوك بعد ما يجي من السفر ويش قلتي ضحكت في خجل وقالت مالي رايي الراي عند امي وابوي وكانت نوره تخبر جاسم عن احوالهم وعن ماتراه ينقصهم مع ان ام سالم ما تقول لنوره نبغي كذا وكذا كانت كل ماتسالها تقول يابنتي معاش ابو سالم يكفي وزود بعد وكل مادخلت عليهم نوره الا في يدها اكياس كثييره هنا نوره بدات تشوف الزعل في وجه ام سالم وقالت لها ياعمه سلامتك اشوفك زعلانه قالت يابنتي قولي لجاسم يخف علينا من هذي الاكياس الكثيره من هدايا واغراض البيت فقالت ياام سالم ترى ابو سالم غالي على جاسم وهذا شئ بسيط. سكتت ام سالم وفي خاطرها حكي حتى تواجه جاسم . نوره تسولف مع ام سالم دق تلفونها فقالت هلا بخوي فقالت ام سالم عطينياه اكلمه شنهو اللي في خاطر ام سالم ؟؟ نكمل في الجزء السابع والاخير 
 تسلم دياتك يا ناريز على روعه تصميك الراقي
آخر تعديل ابوصالح يوم 04-01-2018 في 01:15 PM.
الساعة الآن 12:16 AM
| |||||||||||||||||||||||||||||||||||||||||||||||||||||||||||||||||||||||||||||||||||||
عضويتي 
.gif "100 (11)")
العرض العادي
