والا اصدروا حكماً يجيز اعدامي

يا هاجسي يا فكرتي … “يالهامي”
يا دفتري .. يا جملتي .. يا آقلامي

يا شيخة ” الكهان ” .. يالجنيه ..!
ياصومعة فكري .. يا قاف إهيامي

” الليله ” الليله … ابي ” فزعتكم ”
دام إنكم ” جنبيتي ” … وآحزامي

اما حضور( ن ) فخم … ويجملني
والا آصدروا حكماً يجيز آعدامي

ما دام صوتي ” عالمنابر ” حاضر
فالجزل مني واجب(ن) وإلزامي

ماني من اصحاب الحضور البارد
حامي وشعري فالمواقف .. حامي

إن كان هالليله تحقق … “حلمي”
فالحلم هذا عن “جميع” احلامي

ما جيت أدور مدح … والا شهره
والا محبه .. في “ظهور” اعلامي

ما جيت غير آثبت ويثبت حرفي
شي(ن) بقلبي واضح(ن) بكلامي

فتشت “بالقاموس” .. وانا واثق
اني “بلاقي” مطلبي … ومرامي

لكن عجزت وصار فكري .. عاجز
وآحترت كيف أبدأ وكيف ختامي

لجل آكتب حروف الوفا .. والعزه
وآفخر بها على مدى “الآعوامي”

قمت أجمع افكاري وآقيس افكاري
“وآستحضر” اللي موجهم لطامي

حتى لقيت … “الفكره” المجنونه
لا هي خيال .. ولا ببعض أوهامي

“ترجمتها” … وآنا ترى .. “متعود”
وحفظتها في صحوتي .. ومنامي

وطلعت “للمسرح” طلوع “الواثق”
يد(ن) بها قوسي … ويد سهامي

قصدي أوصل جزء من “تقديري”
ومحبتي … ومعزتي … وسلامي

للي “ملك” كل القلوب … “بطيبه”
“وآتحطمت” بمحبته .. لــ آرقامي

هيا معي “نوقف” سوا .. و نحيي
“الغالي” اللي .. جالس(ن) قدامي

اسمه “سعود” ومن يعرْفه يسعد
آجمل آسم .. في حظرة الاسامي

“بيته” لربعه “صار” مثل “القبلة”
يستقبل الجيعان .. واللي ضامي

أما “التواضع” لو طلبتوا “شاهد”
فآبصم على هذي الصفه بإبهامي

كفو .. كفو في سيرته وإخصاله
ظل القريب .. وواصل الارحامي

وكفو … كفو في موقفه وأفعاله
“عون” الفقير … وكافل الايتامي

هومدرسة .. بطيبته … وآخلاقه
مبدآه سامي .. مثل طبعه سامي

وقفاته أكبر من “هروج” آطريها
لا من نخيته .. عادته .. مقدامي

ورث “خصاله” من أبوه … وجده
له في جذور “المجد” عرقاً نامي

يا كم خدم من ناس .. ما يعرفهم
وللابته .. ياقف “سند .. ومحامي

متميز(ن) في كل شي عن غيره
جعله فدا .. للحاسد .. اللوامي .!

ماهو فخر لاحمد … وفخر محمد
هذا فخر … ليامكم … “وآيامي”

كلن “تسابق” يوم جاء “تكريمه”
من اليمن .. إليا “حدود” الشامي

ودي آزيد “المدح” .. لكن “خايف”
ياخذ بنفسه .. أو يصير خصامي

لنّـــي أعرْفه ما يحب ” المدحه ”
متمسكاً في “منهجه” .. بآحكامي

هذا “قصيدي” … يا عساه يجمل
حضرت به مثل الحسام الدامي

يا تقبلون اللي ” لساني ” … قاله
والا اصدروا حكماً يجيز اعدامي

الشاعر
عبدالرحمن المالكي

المصدر : منتديات عبق الياسمين