توبيكات ايفون انا المخدوع".

السلام عليكم ورحمة الله
بسم الله




انا المخدوع ماحد غيري رجاك
كلمة احبك سبب هذا الخداع
بعد ماضيعت عمري في رضاك
تسهل الكلمة وتنوي بالوداع
ياما ليالي اسهرتني معاك
ماطرأ لي يوم ان حبي يباع
بسهوله جا الدهر ومني وخذاك
وبسهوله تنكر الماضي بساع
دفة الحب الشقي تبقى هواك
واصبح المركب بلادفه وشراع







في ظرف ساعة قتلت الحب واحرقته
وانا بريء كيف صار القتل باسبابي
انت شنقت الغرام وبيديك علقته
ورميت دم الغرام بداخل ثيابي
الحب والغرام وشي تعلمته
كانو معاك امانه يأعز الاحبابي
واليوم ظلمتنا وماضينا تجاهلته
ماكان ظني بمن في يوم حبيته
يظلم ويحكم علينا حكم الاغرابي








عجزت احكي لك احساسي
واترجم لهفتي بالبوح
عجزت اني اعيش بصمت الى من طال يذبحني
حبيبي شفت هالدنيا بها ناس تجي وتروح
اقسم بالي ليا من مت وصرت عظام يجمعني
احبك والغلا صادقوماهو (لعب وسلا مزوح)
نزل دمعي نزف جرحي وذاك الشوق عذبني
احس الكون في عيني فنى وماعاد له مصلوح
مادام اللي احبه حيل مااجيه ولايجي عندي
انا لامن كتبت وهمت حكي حب
غدى مذبوح صرخ دمه بدون شعور
((كفى بالله افهمني))





حبيبي جاك احساسي على صافي نقا ووضوح
كتبته قبل مايومي تجي الاقدار ويكتبني
واذا قلبي خطأ اعذر واقولانه بعد مسموح
واذا حبي معك قصر امانه منك سامحني
ابكتم حسرتي لكن ؟!
بقول انك ترى مسموح
وبخفي عبرتي فعيني قبل دنياي تعدمني
وتأكد حبك بقلبي لآخر ماتروح الروح
لاني ماادري ساعتها من اللي قام يدفني ؟!







انت ماتقدر تحب انت قلبك من حجر
ميت احساس وشعور
مستحيل انت بشر ولو وضعتك بالعيون
ناكر ولازم تخون
شايف حالك علي تحسبك من تكون
انت شاطر بالجروح
انت حبك مصلحه من يحبك تجرحه
بتركك وارحل بعيد
قلبي الله يسامحه هو كان يموت فيك
بس رجاءً لاتظن
ان يحزني الحزن ياما وياما شفت بدنيتي
ماانت اقسى من الزمن







صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر

المصدر : منتديات عبق الياسمين