قلم مبرى | تأليف reda laby

من كتر برى القلم قلمى كده بقى بح ياما شكيت و هريت لما صوتى ات بح ناس سَمَعها تقيل و ناس طنشها تقيل وناس من الاهمال فى المزبلة بتسبح طب ليه سنون القلم م البرى حد السيف خليها روح طيّبة و حنانها زى الطيف اخدينها منك صفة بتخلّى خطى جميل لكن الوديع لو قَلَبْ الصيف ح يبقى خريف قَصْف القلم مُوتُه ، قَضِت عليه لِمواس ولا حد فكّر مرّة إنه فى يوم ينباس جومته ياما مَحِت أخطاء مايقصدهاش واهم حاجة عنده جمال الخط أساس مقصوف يا سن القلم هاتولى القلم جاف وصفت ياما حروف م الحلق خرجت حاف فرحت باللى انكتب والمعنى طبطب لى لقيت لى م الكلمات سطور مابينها عجاف برى القلم بقى غية لفرح إلهامى كل ما احتاج افضفض ألاقى قدامى حروف بترقص فرحة والغنوة عنابى ألحانها خَشة القلب من فعل اقلامى هبرى سن القلم و ادقق فى الخطوط يمكن كلامى يوصل وتفهموا المخطوط شِفرة حياتنا نعمة .. للمولى ننطقها بقدرة التوحيد . خير ف الكتاب محطوط قلمى سِنُّه انكسر قمت تانى ابريه عشان اعبّر لكم ع اللى حوا لياليه برّايتى حامية شويّة تانى راحت قاطماه بريته تانى وتالت خنقتنى قمت راميه عينى عليك يا قلم م البرى مابقتشى تنحل ف بدنك عشم والخوف ماتكتبشى عبير حروفك أمل و الكلمة موصوفة دوا لناس .. العدم يوم ما تنكرشى وبعد بری القلم السن بقی قاتل يغوص فی عمق الألم وبيشفی ويقاتل نلقی ال رفع العلم مهزوم وبيخاتل

همس الورد ,عبدالرحمن الجنوبي ,فريال سليمي ,الشيخ و 12 آخرون معجبون بهذا

عزمى سلطان ,حـُـلم ,خالد العصواني ,الجنابي الجنابي ,طهر القلوب ,جوري ,عبود الخال ,ظمآى انت ,سُلاف ! ,كيان ,أسيرة الموج ,سليدا

المصدر : منتديات عبق الياسمين

 

حلقات الاسبوع

• أخطاء المصلين - إعداد reda laby
• افضل موقع تحميل القرآن باعلى جودة وانقى صوت
• كتاب الرحيق المختوم ( السيرة الذاتية لحياة الرسول الكريم )