صَليت عَن حبّه صَلاة استخآره".

الغالي اللي بالمفارق طعني ..
وأقفى وخيب هقوتي يا خسارة

كنت احسب انه بالوفا عند ظني ..
لين اتضح لي وانكشف لي ستاره

يا ما بمعسول السوالف فتني ..
وقلبي ما بين يديه رهن الاشارة

ضمنت حبه مير هو ما ضمني ..
رغم ان قلبي ما سقط باختباره

على كثر ما جاه بالحب مني ..
انكر غلاي ولا حسب لاعتباره

اقفى وخلا ضلوع قلبي تحني ..
حكم علينا ظلم واصدر قراره

رغم الالم والهجر جيته لاني ..
طاوعت قلبن لا برا الجرح زاره

استرجع ايامن هواها سكني ..
حبن بنيته حز فيني دماره

واليوم لا والله خذ العلم مني ..
موتي ولا غالي يبين احتقاره

يفرج لي في خفوقه سجني ..
صليت عن حبه صلاة استخاره

خله مثل ما جاني يروح عني ..
والكل منا اليوم ياخذ مساره

والخافق اللي من اطعونه يوني ..
لابد ما تطفي مع الوقت ناره

كرامتي ماهي رهين التمني ..
موضوعي سكرته بدون استشارة

المصدر : منتديات عبق الياسمين