| الأدارة ..♥ |
|
|||||||
| عبق أقصوصة من زبرجد حكاياتكم ✿ خاص بفيض إبداعاتكم الحصرية والغير حصرية بأقلامكم فقط ﹂ ✿ |
 |
|
#1
13-06-2020, 01:41 PM
|
|||||||||||||||||||||||||||||||||||||||||||||||||||||||||||||||||||||||||
علوم الجاهه لخطبة خوخه
أحبتي في الله السلام عليكم ورحمة الله وبركاته الله يسعد مساكم بالخير والستر والعافيه كيفكم يانجوم العبق اليوم لبست البشت الذي اعتزلت من زمان لأن اللقب أصبح يلازمني قاضي الغرام اللقب كبير وميمون يستاهل لكن وش الطاري ياقاضي الغرام وياجامع قلوب المحبين اليوم خرجت قصدي اروح عن نفسي شوي وأطلق اعصابي المتيبسه من الحجر فقصدت الجهه الشماليه لمملكة عبق واذا بي أرى رجل وحيد على رجم قريب وكأني اسمعه يق ل شعراً اقتربت منه بحيث لإيراني وانا استطيع سماعه فسمعته يتنهد ويزفر زفير العاشق الولهان ياخوخه تكفين شوفــــــي حالتي وأمري الله ما أجملك من بين كل الخوخ ياخوخه القاضي اللي نسيني ليه ما أدري ميمون تكفى دخيلك لا تخليني قلبي صلاه اللضى والقوم ماتدري الحق علي الهوى غلاب يالقاضــي اقتربت منه وسلمت عليه ولم يشعر تأكدت انه مهوس في خوخه صحت عليه وشفيك يارجل قال الحمد لله الي شفتك لأني كنت ناوي اجيك في بيتك ولا في مركازك انا متيم وعقلي مشتت الحق علي قبل ما افقده انا عشقت بالطاري جاني رؤياء ثلاث ليالي متتاليه تقول الحق على خوخه بنت جراح المنسدح من قبيلة العصافير النافره حتى لايفوتك الجمال والأنوثه ومن ثلاثه ايام وانا هذي حالتي ياقاضينا ياللي تطيب القلوب بشورك وحكمتك يعني يمدحني وانا ما احب المدح قلت له ابشر وصلت ولايهمك الأن أسعى في قضاء حاجتك ههههه ودعته وطلبت من خالد العصواني مرافقتي وما نسيتك صاحبة الجيب الذهبي وعبير الليل اللي جاهزه من امس وطبعاً رتبت انا مع الشيخ كعمور شيخ العصاقيل والشيخ قشموع شيخ الجلاميد وركبنا سيارة خالد الله يبارك له فيها همر موديل جديد ومرينا الشيوخ وورانا الصبايا في جيب مانسيتك المظلل بالكامل من أجل خصوصية الصبايا وصلنا وشر فنا على قبيلة العصافير واستقبلو نا بالترحيب الذي يسر القلوب وتسعد به النفوس دخلنا منزل القوم والحقيقه منزل مشرعه أبوابه لكل زائر او عاني او ضيف والصبايا استقبلتهن خوخه على سن ورمح المهم دارت الشاذليه وما صاحبها من الأمور التي يسيل لها اللعاب ايش التمور وايش الحلا وعلوم غانمه فوضنا الشيخ كعمور هو الأكبر سناً قلنا انت المتحدث رفع راسه وقال العلم خير يالربع نحن لنا عندكم حاجه وحاجات الناس بين بعضها تقضى عندنا ولد يدعى عزاام شيخ في ربعه وله من المال والحلال مالله به عليم لكن رأى رؤياء قد تكون غريبه لكن يمكن الله أراد له خير ونسب عندكم وانتم الكرام ونحن جاهه نطلب بنتكم المصون خوخه لولدنا الكريم وهذي علومنا ياكرام وسلامتكم على الله رد علينا والد العروس المنتظره أرحبو وحياكم الله أن كان هذه رؤياء فيمكن أن الله سبحانه اختارها لنا ولكم وصدق من قال الأذن تعشق قبل العين أحياناً ومرحبا مليون انا ماعندي مانع يبقى الأمر للبنت نشاورها وعسى الله يتمم بخير طبعاً عندي جهاز لاسلكي اتصلت على عبير وقلت بشري وش العلوم قالت اسكت ياقحم العفاريت ياليتني ماجيت وش هالخوخه وش هالجمال الذي يطيح الطير من السما خجلت من نفسي وانا اناظر عيونها وخدودها واسنانها وجمال شعرها اللي مثل الشلال دعجاء حوراء ثناياها من الؤلؤ المعتق اقول خذ مانسيتك انا متوتره شوي نعم يا صاحبة الجيب الذهبي هات علومك قالت ياميمون لا تفوتون خوخه ان كان مايبغاها عزاام لاتفوتك الجمال والدلال والأنوثه والرقه والنعومه كلها في خوخه وسلامتك طبعاً بعد هذه الشهاده والوصف انعقد لساني وأصبحت اضربها اخماس واسداس قاضي يعني ماله قلب انتبهوا لقلب القاضي لا تكسرونه قلنا يالربع خلاص بيننا وبينكم اتصال للحضور للنظره الشرعيه والتي طلبها ابو خوخه وخوخه استاذناهم وجينا راجعين طبعاً لازم ننقل الأمر للعريس ونشوف وش رأيه في علومنا والله اللي يتمم كل أمر /للتذكير القصه باقي لها جزئين ان شفتكم متحمسين وردودكم تسر القاضي وموافقة عريسنا كملت البقيه وأن كان غير ذلك ففي وفيكم ذمة الله واقفل على كذا ههههههه حبيت اذكركم بقانون قص البراطم اللي يزعل يودع براطمه فوراً والمقص عند خالد ياليت العريس يزعل علشان نقطع براطمه وتروح خوخته لغيره انا انا الحمد لله احب براطمي ولا افرط فيها تخيلوا تزعل عبير ونمسح براطمها كيف يكون شكلها ههههههه وليدة اللحظه وحصريه
آخر تعديل ميمون يوم 13-06-2020 في 02:13 PM.
الساعة الآن 05:48 PM
| |||||||||||||||||||||||||||||||||||||||||||||||||||||||||||||||||||||||||
عضويتي 
.gif "100 (109)")
العرض العادي
