تاهت حلول السالفه مالقتها

ابيات قليله اضعها امام انظاركم علها تنال اعجابكم






غابت وانا قلبي على الوصل مشغول
غابت بعد مادونت سالفتها








كانت تحدث بس مدري واش تقول
واتقول عسرات الليال اكشفتها








كانت تحاول وصل واتدور احلول
وتاهت حلول السالفه مالقيتها








والبال ضايق غصب والفكر مشلول
بعد الحروف اللي تهاني قرتها








تاخذ ليال العمر بالعرض والطول
والحكمه اللي للزمن شايلتها








تطرح وتجمع غصب والحل مجهول
ماودها تغلط وتظلم بختها








في سالفتها شي ماهوب معقول
والا انها خطه بعقل ارسمتها








مدري تعدى حول والا بعد حول
تعلم الطلاب في مدرستها








المشكله مافيه مطلاع وانزول
بعد الحروف اللي بعقل اكتبتها








سوت لباب الوصل مزلاج واقفول
حتى سواليف الغرام احذفتها








ماتدري ان العشق له فن واوصول
كل النفوس العاشقه عارفتها








واللي عشق من بدت البيض مجمول
يصبر على النيران لا ولعتها








يمكن بعد صبره ولو طول ينول
وصل الغزال اللي طويل ارقبتها








لو تبتسم له يوم وايشاهد اللول
والا يشاهد بالعيون اطخمتها








ينسى الجروح اللي بقلبه من الهول
وسوالفن بيض القلوب اجرحتها

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور