مسحراتى نغمات ناياتى
بتحكى دايماً فى رباعياتى
احوال كتير بتقول أهاتى
فيروس كورونا . كن فى البيت
****
فى الشهر الكريم احسان
صدقة ، زكاة ، موائد رحمن
إعمل خير ... إتصدّق زكّى
كرتونة خير فى الإمكان
# # #
ناس غلبانة ف عصر كورونا
بلا شغلانة بقت مطحونة
اجر اليوم مابقاش موجود
و بكرامتها .. بقت مدفونة
# # #
ماتخليش المحتاج يظهر
خلى الخير بوصالك يقهر
و زكاتك بزيادة اخرجها
عليهم صعبة ، و انت بتقدر
# # #
بفلوس العمرة ف رمضان
و بتجهيز موائد رحمن
إتولى كام عيلة و عِيلها
تجارتك مع ربك كسبان
***
ربك غفور و رحيم
غنى عن التكريم
قِبلة لكل العباد
و رمضان كريم
***
ودق يا طبل على كلماتى
وقول يا ناى يا مغنواتى
مسحراتى نغمات ناياتى
بتحكى دايما احوال اهاتى