صيادية عدنية ع طريقة اسيل

السلام عليكم ورحمة الله وبركاته 5 اكواب رز بسمتي ع حسب الاحتياج 1كيلو سمك قطع مخلي من الشوك اي نوع يفضل 4 حبات بطاط فلفل احمر عدني مطحون ملح+ قرفة+ قرنفل+ كبزرة ناشفة+ هيل صبغة زعفران+ صبغة صفار البيض بصلة متوسطة الحجم طماطم متوسطة+ فلفل اخضر حار اولا نقشر البطاط اقطعه انصاص عشان ينضج بسرعة. واخليه يغلي مع ملح الى ان ينضج. اغسل السمك اتبله بملح وبسباس عدني فقط لا غير. كثرة البهارات بالسمك تخرب الطعم. في هذة الاثناء ننقع الرز لمدة عشر دقايق بس وبعدين نطلعه ع النار يغلي مع عوديين قرفة وخمس حبات قرنفل وثلاث حبات هيل وشوية حبات كبزرة ناشفة نخليه يغلي الى ان ينضج 70% ونصفيه بالمصفاية الان نشوح البصل المقطع جوانح بطنجرة واسعة وعميقة الى ان يرجع لونة بني نشيله ع جنب ونحتفظ بالزيت بالطنجرة نحط السمك. ع فكرة ما يطول دقيقتين ع كل جانب بس ونرجع نشيله من الطنجرة ع جنب. راح يبقى بالطنجرة شوي من ماء السمك. نحط عليه الطماط المقطع جوانح والبسباس الاخضر والبسباس العدني نحرك شوي بعدين نحط البطاط بعد ما نضج عشان ياخذ اللون الاحمر وبعدين نحط السمك. وحذاري تحركي بالملعقة لان السمك طري راح ينزع منك. بس هزي الطنجرة عشان كل شي يندمج مع بعض كويس. واضيفي كاسة صغيرة ماء ونقصي النار خليها جدا وااااطية . الان نضيف الرز. ونخلط شوي صباغ الزعفران مع شوية ماء وشوية صباغ البيض مع شوي ماء كمان نصبهم فوق الرز ع شكل خطوط بعدين نضيف البصل الي شلناه اول نغطي ونخليه 10 دقايق. ونقدمة. بيكون معاكي رزة لونها اصفر من الزعفران ووحدة برتقالي من صباغ البيض ووحدة بيضاء ووحدة حمراء من الشطة😋 بالهناء والشفاء ع قلوبكم

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور