_يا بابا احنا مش موافقين ان محمود ابن عمنا يتجوز أختنا
=عظيم ، بس أفهم مش موافقين ليه ، يمكن إنتوا عارفين حاجة انا مش عارفها ، انا صحيح أبوكم لكن معنديش مانع أبدا أسمع رأيكم
_يا بابا احنا لسه هنتناقش ، الموضوع دا منتهى ، مرفوض
=مرفوض كده وخلاص ، انا عمرى ما عملت معاكم كده من وقت ما كنتوا صغيرين وكنت بعاملكم كـ رجـ.ـالة وكنا أى مشكلة بنقعد نناقشها سوا ، عمركم ما طلبتوا طلب وأنا رفضتوا الا لما قولتلكم رفضتوا ليه ، دلوقتى جه الدور عليكم وترفضولى طلب ، يبقى عالاقل اعرف مرفوض ليه
_يا بابا انت عارف ليه ، دى حكاية باينة زى الشمس ، اختى انا تتجوز ميكانيكى
=ماله الميكانيكى ، راجـ.ـل صاحب مهنة شريفة ، هو عيب انه ميكانيكى ، أبويا كان سروجى ، عمى كان منجد ، جدى كان أكبر نجار طبالى فى البلد
_يا بابا طلع ولا نزل هو ايه
=هو راجـ.ـل مكافح بياكل لقمته بعرق جبينه هو عشان مش مهندس ولا دكتور زيكم علشان مش بيه زيكم تقوموا ترفضوه دا غلط ، محمود يشرفكم ويشرفنى انا قبلكم
_يا بابا محمود مينفعش يناسبنا ، يا بابا قدر موقفنا وبص لمراكزنا
=انا شايفكم رأفت وماجد اللى لسه صغيرين فى ابتدائى ولما أشوفكم بتتكلموا غلط يبقى من واجبى اقولكم عالصح فين واللى يعجبكم تعملوا ، رأفت انت مخلف بنت وانت يا ماجد مسيرك تخلف بنت ويكبروا ويبقوا فى سن الجواز وتبقوا فى موقفى كدا فى الساعة دى انا هقولكم تتصرفوا ازاى ، مش مهم مركز ولا وظيفة إللى هيتقدم لبنتكم المهم يكون شاريها وهيحافظ عليها ويصونها ، إفرض اللى هيتجوز بنتك مركزه عظيم وغنى وتعبها ، طلـ.ـقها وقعدت فى رقبتكم كنت هتعملوا ايه لكن محمود ابن عمكم انا مطمن على مستقبل بنتى معاه ، انا خلاص قولت كل اللى عندى واتفضلوا إتكلموا زى ما إنتوا عايزين
_يا بابا الجوازة دى هتصغرنا قدام نسايبنا
=طُـ.ـظ فيكم وفى نسايبكم ، ابن عمكم ابن اخويا اجدع منهم كلهم
من مسلسل #أبنائى_الأعزاء_شكرا