الفنانة سعاد حسني كانت المرشحة الاولي واعتذرت بسبب خوفها من رد فعل الجمهور بسبب حساسية الدور.. وبعدها تم ترشيح نجلاء فتحي لكنها اشترطت تغيير النهاية ببكاء وانهيار وندم الجاسـ ـوسة وبردو بسبب خوفها من رد فعل الجمهور لكن المخرج كمال الشيخ رفض رفض قاطع و كان مصر على انه يقدم الشخصية بنفس الثبات وعدم الندم زي ما كانت في الواقع عشان الدور يروح فالاخر لمديحة كامل... وطبعا هي قدمته كويس جدا وكان ليه دور كبير في وضعها كنجمة بالصفوف الأولى و ودعت بيه الأدوار التانية بلا رجعة
وطبعا المخرج كمال الشيخ كان ليه دور كبير اوي في نجاح الفيلم وظهوره بالشكل ده لانه قدم فيلم بيتكلم عن الجاسـ ـوسية بشكل ناضج جدا اختار جميل راتب اللي بيجيد الفرنسية بطلاقة واللي كانت من صميم تفاصيل دوره فالفيلم واختار الفنان ابراهيم خان لدور المهندس ضعيف الشخصية واللي بالمناسبة كان نفس اختياره في فيلم شروق وغروب بنفس الكاركتر الضعيف حتي محمود ياسين كان شكل تاني مع كمال الشيخ ده غير صور اجواء باريس الجميلة اللي عيشنا فيها بعدسة المصور الرائع رمسيس مرزوق
فيلم الصعود الي الهاوية يعتبر واحد من احلي افلام الفنانة الراحلة مديحة كامل و الفيلم زي ما ناس كتير عارفة انه مبني علي قصة حقيقية و هي قصة الجاسـ ـوسة هبه سليم التي تم كشفها و القبـ ـض عليها و اعـ ـدامها فعليا و بالمناسبة تم اجراء بعض التعديلات علي القصة عشان تتماشي مع السياق الدرامي للفيلم وحصل فيلم الصعود الى الهاوية على جائزة الدولة فى الإخراج والمونتاج فى عام ١٩٧٩ده غير انه بيحتل المركز 75 في قائمة افضل فيلم في ذاكرة السينما المصرية حسب إستفتاء النقاد
بالمناسبة كان فيه لقاء للفنانة مديحة كامل في بداية التسعينيات بتقول فيه أن الفيلم ده كان التحدي الأخير ليها كممثلة و لو مكنش نجح كان قرار الاعتزال هو الحل البديل بالنسبة لها و كانت هتغير نشاطها لمجال تاني غير التمثيل
مديحة كامل - محمود ياسين - جميل راتب - فيلم الصعود الي الهاوية 1978
قصة وسيناريو وحوار صالح مرسي - إخراج كمال الشيخ
_________________
by: walla ahmed
04-10-2023, 12:42 AM
فيلم الصعود إلى الهاوية
عضويتي 
مواضيعيٌّ
.gif "100 (105)")
العرض العادي
