🤩كيكة ايس كريم سنيكرز🤩
المقادير :
-كيكة شوكولاته
-6 حبات سنيكرز كبير
-4 حبات جبن مثلثات
-4 ملاعق حليب محلى
-ظرف دريم ويب
-علبتين قشطة
-ملعقة زبدة الفول السوداني
-ملعقتين نوتيلا
-صوص كراميل
(25 جرام زبدة ونص كاس سكر وعلبة قشطة)
نذوب الزبدة على النار ونصيف السكر لين يذوب ويصير لونه ذهبي نضيف القشطة
الطريقة :
نخبز الكيك في قالب مستطيل ونتركه يبرد وبعده نفرغه من الوسط ونشيل الكيك الزايد ونضغط بيدنا المكان اللي فرغناه حتى يكون مرتب ومايختلط فتات الكيك مع الكراميل ونصب صوص الكراميل
وندخله الفريزر نص ساعة عشان يجمد ومايختلط مع خليط الايس كريم .
نجهز خليط الايس كريم : نخلط القشطة والجبن والدريم ويب والحليب المحلى بمضرب الكيك لين ينفش ويصير كريمي نضيف له ملعقة زبدة الفول السوداني و حبتين سنيكرز نقطعهم قطع صغيرة
ونضيف خليط الايس كريم على الكراميل بوسط الكيك وندخله الفريزر يجمد 4 ساعات و نطلعه بعد مايجمد ونتاكد انه جامد نغطيه بفتات الكيك ونضغط عشان يكون مرتب ولايخرج الايس كريم برا
ونقلب الكيكة بصحن التقديم ونغطيها بصوص السنيكرز (علبة قشطة -3 اصابع سنيكرز -2 ملعقة نوتيلا) ونزينها بخطوط كراميل وقطع سنيكرز ويقدم.