قصة الغراب الذي حاول أن يقلد مشية الحمامة ففشل

( شهيرة قصة الغراب الذي حاول أن يقلد مشية الحمامة ففشل
وبعدما اقتنع بفشله حاول أن يعود إلى مشيته الأصلية فلم يقدر لأنه نسيها ،
فصار يتعثر كلما حاول المشي .. لقد أضاع الغراب مشيته الأصلية
ولم يستطع أن يقلد مشية الحمامة ) ..!


( التصنُع ) .. طبع كريه .. وصاحب هالطبع اكره من الطبع نفسه !
التصنُع : محاولة إظهـار الشيء على غير طبيعته ، سواءاً كانت جميلة او كريهه ..!
إما لـ نقص في نفسه .. وإما لعدم إقتناعه بنفسه .. وإلا انه يحس نفسه انسان يفشّل
فـ تلقاه يحاول يتقمص شخصية غير شخصيته .. يلبس ثوب غير ثوبه !
ولكن هالنوعيه دائماً مفضوحه سبحان الله ..

مثلاً عندكم القرويات اللي يسوون كيوت !
يعني من زين الكوتنـّه .. علشان تروحين تسوين فيها كيوته ؟!
ولا ( مرعي ) <- هذي شخصيه ..!
وعندما يصبح " مرعي " .. إنسان كووول .. وكل ماجا يصوّر يسوي ( بيس )
عاد انتم شغلوا مخيلتكم وتخيلوها .. مرعي وكول ..!

هذي فئة ،

وعندكم اللي يدعيّ انه ( الرجل ذو ال ألف صنعه ) ،
( رياضه / سياسه / أدب /موسيقى / طبخ )
تلقاه يدعي المفهوميه .. وفي النهايه .. تلقى تخصصه ..
او اهتمامه في مجال غير اللي ذكرتهم .. وانما الادعاء هذا كله ..
علشان يسمى او يكون بنظر الناس " انسان فاهم "
وانما هو العكس ..

التظاهر بأني واحد من الطحاطيح ( الاغنياء والمطانيخ )
اسافر لكل مكان .. على بالي انسان احب السياحه والريلاكس ..
اروح للأماكن الهاديه .. المهم انبسط ..
اروح فرنسا .. واسهر وانقط مثلاً ..

والحقيقه .. متسلف .. علشان يوري العالم اني اسافر ولا علي قصور ..!

وهالمثال يندرج تحت ( مد رجولك على قد لحافك ! ) ،

التظاهر بأني انسان ذوق وما اتنازل اسمع لغير ( ابو نورة وكاظم ) ..
ايه ومناك وتلقاه مشغل مزعل وفتى رحيمه خخخخخخخ !


كثيرة الامثلة .. وكثيرة التساؤلات .. ليش بعض الناس ماتقتنع بـ طبيعتها ..
او ماتقتنع باللي عندها ..!
احب الشخص على طبيعته .. مهما كانت شينه ..
يعني لازم يشد على نفسه شوي ويقتنع بنفسه ..!
لا لا صدق يعني .. احلى شي ان الانسان لما يكون على طبيعته ..
بعيداً عن التصنع اللي ماله داعي .. يعني انت ثعلب .. تسوي اسد ؟
طبعاً ماينفع .. حلاة الثعلب ثعلب .. والاسد اسد ..!

من ناحية " دينية "

الاسلام امرنا بالتواضع وعدم التكلف ( من تواضع لله رفعه ! )
وعدم تحميل النفس مالاا تطيق ..!
واتوقع انك لما تظهر نفسك .. بغير طبيعتها هذا ارهاق لها !
والاسلام نهانا عن هالشي ،

المصدر : منتديات عبق الياسمين

 

---

آخر تعديل البدر يوم 13-05-2017 في 11:34 AM.