*سيفعلها دعاء عرفه*📨
اقترب يوم عرفه يوم المعجزات وتحقيق الأمنيات لكل شخص تقفلت بوجهه كل الأبواب وكل شىء حوله يقوله مستحيل ،حلمك يتحقق والواقع بكل مافيه ضده ، شوفوا حبايبي يوم عرفه هو فرصتنا الكبيرة عشان نحقق احلامنا يمكن برمضان انشغلنا وماادركنا ليله القدر لانها مجهوله ماندري اي يوم بس يوم عرفه نعرفه متى الله حدد لنا هاليوم وبهاليوم الله ينزل للسماء الدنيا ، يعني في ليله القدر الملائكه تنزل ويوم عرفه ينزل الله جل جلاله لسماء الدنيا ليحقق لنا مانتمنى ، انتم مستوعبين انه الله بقوته وقدرته وجلاله وجبروته وعطفه ينزل لسماء الدنيا ؟ فرصتنا عشان ندعي ونغير الواقع اللي تعبنا منه ونحقق احلامنا ، الله بهاليوم راح ينزل لسماء الدنيا ويكون لك عون في كل امور حياتك ، انت برئ من كل قوة وضعيف قوتك بالله فقط ، حقك الله بقوته راح يأخذه لك ،دموعك بيبدلها بفرح ،حزنك وانكسار قلبك بيجبرك، الله مدبر الأمور وكل شىء بين يديه هو بيوهبك كل الصدف وكل الفرص عشان يوصلك للحاجه اللي تتمناها،حلمك اللي طال انتظاره بيتحقق انت ادع الله بيقين فقط ..
تتمنى شخص بمواصفات معينه او تتمنى شخص معين او خطبت والموضوع تكنسل وكل الظروف ضدك هذي فرصتكم عرفه ادعوا الله بما تتمنون ، صح يمكن اللي تتمنوه صعب عليكم بعيد ومحد يدري بوجعكم او صبركم اللي طول، لكن هالطلب هين عند الله وسبحانه عارف حجم هالتعب بقلوبكم والخوف اللي متملكم ، عارف قد ايش تبون هالشخص اللي تتمنوه سواء كان انسان بعينه اوشخص بخيالكم وبصفات معينه تبونه يجي لواقعكم ويكون حلال لكم واسمه مربوط باسمكم بدعوه صادقه يحدث امر ، لاتفكر في كيفيه الفرج فإذن الله إذا أرد شيئا هيأ له أسبابه بشكل لايخطر على البال !
قال تعالى: {لاتدري لعل الله يحدث بعد ذلك امرا} كلمه لعلها تمحى قلقكم وتطمن بها قلوبكم ترى القلوب بين يدين الله يعني كل شخص واقف ضدك ملك الله بقوته وقدرته يقلب القلوب كيف يشاء ، بلحظه وانت تدعى من اعماق قلبك راح يتغير كل شىء ، الشخص اللي كان مانع انه موضوعك يتم رفضه بينقلب للموافقه ، بدعوة منك بتقلب موازين الحياة ، الله بيثبت قلب كل شخص ولاك امره ع الموافقه ويسخر الظروف
نفس الكلام لكل وحده مطلقه تبي زوجها يرجع او بينها وبينه مشاكل كبيرة دعواتك بهاليوم لو الغلط منك الله بيخليه ينسى كل شىء بشع سويتيه ، واذا كان منه الله بيمحى القهر اللي بقلبك ويردكم أفضل من أول ، ولو كان يمشي بطريق مظلم ومع اصحاب غير صالحين وفيه صفات كثير سيئه بيثبته على اصحاب فيهم خير ويهديه ويغيره للأفضل وكل شخص يخببه عليك الله بيغلق باب شره ويسد أذن وقلب زوجك عن سماع كلامهم بيثبته ويكون وقتها نفس ماتتمنيه بالضبط ويكون بقلبه بس أنتي بس يشوف محاسنك يشوفك ملاك طاهر خلاص بينسى كل أغلاطك ، وانتي رح يمسح على قلبك ويحببك فيه ، ربي كريم لاتحسبوني أبالغ ، الدعاء اقوى سلاح على وجه الأرض، كم وحده وصيتها وبشرتني زوجها تغير 180 درجه بسبب دعواتها ، واللي تشكى وتشكك لاتسمعونها تبقى مجرد بشر
ربي مجيب ويعلم بكل حاجه بخاطرك قال وقوله الحق ( ادعوني استجب لكم) خليك من الناس اللي تطلب المعجزات وواثقين بالله
لو كنت مريض او عندك طفل مريض او احد من اهلك او قرايبك يعاني من مرض قوي جدا وكل الاطباء قالوا ان الشفاء مستحيل ، بقولك كلمه واحده ربك قادر ، قال تعالى : (ألم تعلم أن الله على كل شىء ) الله معك ، قدير ، مقتدر ، الله حولك ، وحده بيشفيك ويشفيهم ( واذا مرضت فهو يشفين) وحده عارف باللي فيك وفيهم ، عارف بكل ألم يفتك بجسدك وجسدهم ويهشم قلبك وقلوبهم ، عارف بكل تنهده خرجت منك وانتم ماتقدرون توصفون الالم ، عارف بكم الأدويه الهائل اللي تناولنها ولايفيد مالك ومالهم الا الله ، مابيخفف عنك وعنهم هذا الوجع الا الله ، الله شايفكم وعارف كل لحظه توجعتم فيها وعارف بقوة الالم اللي يتعبكم وينكد حياتكم ،الله معاك ومعاهم ، انتم اطلبوا الله بهاليوم يشفيكم، انكسروا بين يديه ، افتقروا إليه اظهروا ضعفكم وقله حيلتكم ابكوا له واحكوا له بضعفكم وتعبكم اللي خلفه هذا المرض قولوا له انه مالكم حيلة في الشفاء منه لا ادويه ولامستشفيات فادتكم قولوا له كم لكم سنين تعابنين ، روحوا لله واطلبوه يخفف عنكم لايعجزه امركم يقول (كن ) فيكون ويذهب كل مافيكم ، بكلمه منه بتختفى معاناتكم للأبد بيصير الألم قصه من قصص الماضي، كل معتقد سئ بداخلكم انسفوه من الأعماق!! عيشوا بكره بقلب وروح تؤمن انك مجرد ماتدعون كل هالألم بيختفي
يتبع
23-06-2023, 08:13 PM
عضويتي 
مواضيعيٌّ
العرض العادي
