زي السلحفاة بقلمي محمد البهلوان

زي السلحفاة
زي السلحفاة ( زجل اهداء لصديق العمر محمود علي ابو طالب)



زي السلحفاة بيمشي

بيمشي في سطر

ويسيب سطر

كل العالم حواليه بتجري

وأحنا نشد فيه ونجر



أصله زي الفيل وان كان

الفيل بالنسبة له مُهر

في الغابة بيجري ويتنطط

كل يوم ساعتين في الضهر

كل حياته على السرير

أكل وشرب ونوم وشخير

عايش حياته في وحدة

ومين ده؟

وكأنه راهب عايش في دير

وان حب يوم يغير مكانه

في الحمام يبقي سلطان زمانه

تعدي ساعة

ساعتين ولسه

لسه فاضل ...........كتير

عامل نفسه ياناس وسيم

يفضل يسبسب في عشرشعرات

وفي المراية تلاقي بهيم

عامل نفسه قمر شربات

وان حد شافه يضحك عليه

ما شعره أقمل من القملات

وهو في وهمه فاكر إنه

حوكه بتاع التلات ورقات

العمل ده كان هجاء لطيف مني لصديق العمر محمود علي وهزار خفيف كده اتمني يعجبكم

للشاعر :: محمد البهلوان

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور