يطول الوقت والغفلة لها جلسها مع التقصير
ونمضي بالحياة فرحه ولا ندري عن السيره
نسينا عمر له حدا وما نعلم عن التقرير
بعد يوم الرحيل اللي يسجل كثرة الحيره
الا يامن تكثر في الذنوب وطاب لك تعبير
ترى كثر الذنوب اتهد حيل الجسم وتعيره
هموم الويل والحسرة بروحك علمها تعسير
مع سقم الالم جرح تدور كيف تشفيره
تعالج ما مضى في عمر يوم انك تشد السير
ومائل عن تواضع لك محبة ناس بالديره
غرور النفس يعطي لك شقى دنيا بلا تدبير
وما تدري بانك جاهل الدبرة بلا غيره
على روح يمشيها هواء ها يم بلا تفكير
وراح الوقت من عمرك وصار الراس تبشوره
سؤالي لك بعد ماجاك ربك بالأمل تبرير
وش الي تعمله يغفر ذنبويك بعد تفريره
مضاها وقت نسيانك وطاب النوم في تشخير
تحالته هواء نفسك وتارك فرض ما غيره
يداوي علته الزلة بسجده لك مداها غير
وربك فوق والرحمة يسيرها بتدبيره
عسى الله يغفر اذنوب تتالت يم نفخت كير
ونطلب جنة تلفي برحمة منه والجيره
لمرسول عطانا كل ما هو لي ولك به خير
وطيب الهدي هديه والسعد في تباشيره
واخر حرفي الدامي هديه لي ولك والغير
ونطلب ربنا يغفر وباقي العمر تكبيره