الروؤس السوداء على الانف فيه عدة طرق بسيطه ممكن تخففها او تخلصنا منها مع الاستمرار :
اولا :تنظيف الوجه
وهذي ابسط الطرق #تجارب_سوسو_تنظيف_الوجه
ثانيا: استخدام مقشر يومي من نيتروجينا لأزالة الروؤس السوداء .. زي اللي بالصوره فوق 👆
ثالثا: استخدام لصقات pritty بالطريقه الصحيحه وزي ماهو مكتوبه عليها بالضبط والشرائح تنفع لكل انواع البشره تنظف وتخفف وتشيل الروؤس السوداء
الطريقه الصحيحه لأستخدام الشرائح ✋
اول شي غسلي وجهك وانفك بالماء الدافىء وتأكدي ان مافيه بقايا اي مستحضر تجميل (طريقتي احط ماي بمنديل او قطنه وافرك الانف بشكل خفيف عشان اتاكد انه نظيف من اي مقشر وغسول) بعدها جففي يدك وافتحي العلبه وبللي انفك بالماء تماما وحطي الشريحه على الانف واضغطي عليها بشكل خفيف عشان فقاعات الهوى تطلع ويضبط التصاق الشريحه واتركي الشريحه تجف على الانف مدة عشر او خمس دقايق لما تتصلب الشريحه وتجف بعد كذا شيليها ببطء من الاطراف وغسلي وجهك بالماء وشوفي كيف تطلع الرؤوس السوداء على الشريحه بتنصدمون منها كيف طالعه بشكلل 👌
رابعا: استخدام تونر قافل للمسام بعد استخدام اللصقات ممكن تستخدمون واحد من هذي الطرق
-ماء ورد باااارد -مكعبات ثلج من الماء العادي
هذي اهم خطوه لاتنسونها 👌 *اللي يستخدمون اللصقات ويقولون ماتفيد اقولكم بعض الاسباب ؟
-استخدام اللصقات بشكل خاطىء -نزعها بقوه وهذا اكبر خطأ -استخدام اللصقات يوميا وبكثره -عدم قفل المسام بعدها بتونر
بكذا راح يزيد المسام و لانك ما اغلقتي المسام بتونر ويكون مفتوح وتتجمع فيه الترسبات وكأنك ماعملتي شي ابدا