| الأدارة ..♥ |
|
|||||||
 |
|
#1
25-09-2023, 12:31 AM
|
|||||||||||||||||||||||||||||||||||||||||||||||||||||||||||||||||||
دادا عطيات
الرفيقه دادا عطيات زمان والدتي كانت بترجع من شغلها الساعه ٣ العصر و والدي بيجي بليل ، يعني كل بلاوينا بنخلصها و ندريها الساعه ٣ الا ربع قبل ما امي تيجي من الشغل ، طبعا كان في بلاوي بتعدي و بلاوي ما بنعرفش نداريها خصوصا لو فيه اطراف تانيه دخلت في الموضوع غيرنا احنا التلاته سواء من الجيران او حارس العماره اللي شاف كل بلاوينا الخارجيه و فتن عليها 😂 فكنا بناخد عليها علقه موت ، و ساعات امي كانت تخش ومتاكده ان فيه مصيبه حصلت من وشوشنا بس مش قادره تحدد هي ايه! تقوم ضربانا للاحتياط 😂 ، المهم بعد ما حرقنا البيت كذا مره قرروا يجيبوا مساعده لامي مقيمه معانا في البيت دادا (عطيات) تباشرنا فتره الصبح ، كان عندها ١٨ سنه او اصغر ، يا عيني كانت وحيده في مواجهه عصابه اكبرهم ١٠ سنين بعقل راجل عنده ٥٠ سنه كان بيقراء عن النازيه و المفاعل النووي المنفجر تشرنوبل و بالنسباله الغاز اجاثا كريستي كانت مجرد لعب عيال 😂 فكنا بنستغل انها صغيره و نعمل المصيبه و نلبسها فيها عادي جدا ، مع الوقت ابتدت تعوق مسيرتنا التخريبيه جوه البيت و توقفها الي حد ما ، احمد يسكت للمهزله دي !؟ اكيد لا ، كان بيتحايل عليها كل مره الصبح بعد ما اهلنا ينزلوا علي انه يحدد اقامتها في مكان ما لحد ما امي ترجع من شغلها ، مره كان يرمي مخده بره باب الشقه و يقول لدادا (عطيات) هقول لماما انك انتي اللي رمتيها ، فطبعا تطلع تجبها يقوم قافل الباب و يسبها بره اليوم كله لحد ما نخلص بلاوينا و يفتحلها تاني علي الساعه تلاته الا ربع قبل ما امي تيجي بشويه من شغلها 😂 مره يقفل عليها باب البلكونه وهي بتنشر مثلا و هكذا ، الموضوع اتكرر بكذا شكل وكذا طريقه و كذا تحايل عشان يتثني لينا تخريب البيت و تدميره علي هدوء ،، بعد ما دادا (عطيات)قفشت كل العيبنا و فهمتها واخدت احتياطتها مابقتش يضحك عليها بسهوله زي الاول ، احمد اخويا قرر يلعب لعبه جديده معاها ، فضل يستفز فيها بكل الطرق الممكنه لحد ما زقته بايدها فراح حدفها بجزمه ابويا و طلع يجري علي غرفه السفره اللي كلها زجاج بانوراما و عمال يستفزها اكتر من ورا ترابيزه السفره ، فمن غيظها دخلت حدفته بالجزمه بدون تردد ، راح موطي و الجزمه كسرت الشباك و وقعت في الشارع ، (دادا عطيات) طبعا نِزلت بسرعه تجبها من تحت قبل ما عيال الشارع يلعبوا بيها كوره و تبقي نهايتها مأسويه و بالفعل الحمد الله لقيتها بس طبعا لبختها الاسود لما طلعت ما فتحناش الباب 😂 . الدروس المستفاده: ١- اوعي تمسك سلاح جريمه مش بتاعك ٢-مش اي حد يجرجرك لمكان الجريمه تروح بسهوله ٣- اوعي تثق في طفل خصوصا لو كان احمد 😂 ٤- اوعي تقريب من #الدور_التاني_شقه_خمسه 😂 كل نهايات الافلام العربي اللي كنت بشوفها زمان وانا صغير الخير كان لازم ينتصر علي الشر ، بس عندنا اتعلمت ان الخير ممكن يلبس عادي جدا 😂. 
الجميلة سما كل شئ تزينيه بحضورك حتى توقيعي صار افضل بوجودك ..كل الشكر من قلبي لسموك
  اخي الغالي king بحجم السماء شكرا على اهدائك الذي اكسب يومي فرحة ..لا حرمني الله من ابداعك اخي الغالي king شكرا من كل قلبي على اهدائاتك الجميلة لا حرمني الله منك  
الساعة الآن 04:17 AM
| |||||||||||||||||||||||||||||||||||||||||||||||||||||||||||||||||||
عضويتي 
.gif "100 (106)")
.gif "100 (105)")
العرض العادي
