- فى عام ٩٨ كان عادل امام بيحضر لفيلمه
الجديد وقتها "رسالة إلى الوالي" وكان حابب
ان محمد هنيدي يشارك معاه بدور صغير فى
الفيلم فعرضه على هنيدي
لكن اتفاجىء برفض هنيدي للدور لانه كان وصل
خلاص للبطولة المطلقة وكان شايف ان الدور لا
يليق بمكانته وهيرجعه للادوار الصغيرة تاني
زعل عادل امام لان بداية شهرة وانطلاقة
هنيدي كانت فى افلامه خد الدور بعدها
وعرضه على علاء ولي الدين اللي كان عنده
نفس قلق هنيدي من الدور انه يرجعه تاني
للادوار الصغيرة وكان محرج يرفضه
لكنه وافق وفاءا لعادل امام وحسب ما حكى
بلال فضل فى الموهوبون فى الارض ان علاء
قاله "انا هفضل وفي لعادل امام اللي اتعرفت
فى افلامه ولو رفضت الدور ابويا حتى فى
قبره هاحس انه زعلان"
عمل علاء الدور ونزل الفيلم ويشاء القدر ان
بعد سنة واحدة فقط من الدور اللي علاء كان
خايف يرجعه للادوار الصغيرة يحقق فى سنة
١٩٩٩ أهم احلامه فى البطولة المطلقة لاول
مرة
وعلى حسب رواية بلال فضل انه حصل خلاف
بين محمد هنيدي وبين المنتج مجدي الهواري
فاستغنى عن هنيدي
وقرر ينتج لعلاء ولي الدين اول بطولة مطلقة
فى حياته بفيلم "عبود على الحدود"
نجح "عبود على الحدود" وكسر الدنيا واعلن
ميلاد علاء ولي الدين كبطل مطلق ونجم
شباك ♥️ رحمه الله واسكنه فسيح جناته 😥